naat
آراستہ کروں گا یوں اپنے سفر کو میں
آراستہ کروں گا یوں اپنے سفر کو میں
چوموں گا فرطِ شوق سے دیوار و در کو میں
Araasta karun ga yun apne safar ko main
Chumun ga farat-e-shauq se deewar o dar ko main
دل روبروئے گنبدِ خضرٰی کہاں رکے
سجدے سے روک لوں گا چلو اپنے سر کو میں
Dil roobaru-e-gumbad-e-khizra kahan rukay
Sajday se rok lun ga chalo apne sar ko main
دِکھلا کے ہجرِ شہرِ نبی میں برستی آنکھ
لائوں گا کھینچ کر بھی دعا تک اثر کو میں
Dikhla ke hijr-e-shehr-e-nabi main barasti aankh
Laun ga khench kar bhi dua tak asar ko main
جس راستے کی منزلِ مقصود ہوں حضورؐ
جنت کہے کہ چوم لوں اُس رھگزر کو میں
Jis rastay ki manzil-e-maqsood hon huzoor
Jannat kahe ke chum lun us rahguzar ko main
اُٹھی ہے گردِ راہِ محمدؐ کو دیکھنے
واپس بلائوں کیوں بھلا اپنی نظر کو میں
Uthi hai gard-e-rah-e-Muhammad ko dekhne
Wapas bulaun kyon bhala apni nazar ko main
پُل کے قریب پڑھتے ہوئے نعتِ مصطفٰی
آواز دوں گا طائرِ سدرہ کے پر کو میں
Pul ke qareeb phadhte hue naat-e-Mustafa
Awaaz dun ga tair-e-sidrah ke par ko main
کہہ تو دیا ہے زائرِ طیبہ کو الوداع
کیسے دلاسہ دوں گا بھلا چشمِ تر کو میں
Keh to diya hai zaair-e-taybah ko alvida
Kaise dilasa dun ga bhala chashm-e-tar ko main
مدح سرائی کر کے تبسم حضورؐ کی
نورانی کر رہا ہوں لحد والے گھر کو میں
Madah sarai kar ke tabassum huzoor ki
Noorani kar raha hoon lahd walay ghar ko main
Share This Naat
Share with friends and family
آراستہ کروں گا یوں اپنے سفر کو میں
حافظ محمد ابوبکر تبسمؔ