سر سوئے روضہ جھکا پھر تجھ کو کیا
دل تھا ساجد نَجْدِیا پھر تجھ کو کیا
Sar so'e rozha jhuka phir tujh ko kya
Dil tha saajid najdiya phir tujh ko kya
بیٹھتے اُٹھتے مدد کے واسطے
یا رسول اللہ کہا پھر تجھ کو کیا
Baihtte uthhte madad ke waaste
Ya Rasool Allah kaha phir tujh ko kya
یا غَرض سے چھٹ کے محض ذکر کو
نامِ پاک اُن کا جپا پھر تجھ کو کیا
Ya gharz se chhat ke mahz zikr ko
Naam-e-paak un ka japa phir tujh ko kya
بے خودی میں سجدۂ در یا طواف
جو کیا اچھا کیا پھر تجھ کو کیا
Bekhudi mein sajda dar ya tawaaf
Jo kiya achha kiya phir tujh ko kya
ان کو تَمْلِیک مَلِیْکُ الْمُلْکْ سے
مالکِ عالَم کہا پھر تجھ کو کیا
Un ko tamleek maliku-l-mulk se
Malik-e-aalam kaha phir tujh ko kya
ان کے نامِ پاک پر دل جان و مال
نَجْدِیا سب تج دیا پھر تجھ کو کیا
Un ke naam-e-paak par dil jaan o maal
Najdiya sab taj diya phir tujh ko kya
یٰعِبَادِی کہہ کے ہم کو شاہ نے
اپنا بندہ کر لیا پھر تجھ کو کیا
Ya 'ibaadi kehke hum ko Shah ne
Apna banda kar liya phir tujh ko kya
دیو کے بندوں سے کب ہے یہ خطاب
تو نہ اُن کا ہے نہ تھا پھر تجھ کو کیا
Dev ke bandon se kab hai ye khitaab
Tu na un ka hai na tha phir tujh ko kya
لَا یَعُوْدُوْنْ آگے ہو گا بھی نہیں
تو الگ ہے دائما پھر تجھ کو کیا
La ya'udoon aage ho ga bhi nahin
Tu alag hai daa'iman phir tujh ko kya
دشتِ گِرد و پیشِ طَیبہ کا ادب
مکہ سا تھا یا سِوا پھر تجھ کو کیا
Dasht-e-gird o peshe tayyiba ka adab
Makka sa tha ya siwa phir tujh ko kya
نَجدی مرتا ہے کہ کیوں تعظیم کی
یہ ہمارا دین تھا پھر تجھ کو کیا
Najdi marta hai ke kyun ta'zeem ki
Ye hamara deen tha phir tujh ko kya
دیو تجھ سے خوش ہے پھر ہم کیاکریں
ہم سے راضی ہے خدا پھر تجھ کو کیا
Dev tujh se khush hai phir hum kya karein
Hum se raazi hai Khuda phir tujh ko kya
دیو کے بندوں سے ہم کو کیا غرض
ہم ہیں عبدِ مُصطَفیٰ پھر تجھ کو کیا
Dev ke bandon se hum ko kya gharz
Hum hain Abd-e-Mustafa phir tujh ko kya
تیری دوزخ سے تو کچھ چھینا نہیں
خُلد میں پہنچا رضاؔ پھر تجھ کو کیا
Teri dozakh se to kuch cheena nahin
Khuld mein pohoncha Raza phir tujh ko kya
Share This Naat
Share with friends and family
سر سوئے روضہ جھکا پھر تجھ کو کیا
احمد رضا خان بریلوی