آہ علمِ دین کا اک رازداں جاتا رہا
ملّتِ اسلامیہ کا پاسباں جاتا رہا
Aah ilm-e-deen ka ik razdaaan jaata raha
Millat-e-Islamiya ka pasbaan jaata raha
اہلِ دل کا پیشوا اہلِ وفا کا رہنما
باعثِ تسکینِ آرزوئے دلاں جاتا رہا
Ahl-e-dil ka peshwa ahl-e-wafa ka rehnuma
Baais-e-taskeen-e-aarzo-e-dilaan jaata raha
جس کی خوشبو سے معطّر تھا دماغِ زندگی
وہ وجودِ حق نما معجز بیاں جاتا رہا
Jis ki khushbu se mu'attar tha dimaagh-e-zindagi
Woh wujood-e-haq numa mo'jaz bayan jaata raha
جس کی تابانی سے روشن تھا محبت کا چراغ
کاش وہ مہر منوّر ناگہاں جاتا رہا
Jis ki taabani se roshan tha mohabbat ka charaagh
Kaash woh mehr manowar nagan jaata raha
گلشنِ معنی کے گُل خاموش کلیاں سو گوار
وائے محرومی چمن کا نگہباں جاتا رہا
Gulshan-e-ma'ani ke gul khamosh kaliyan so gawaar
Waayeh mehroomi chaman ka nigehbaan jaata raha
میکدے پر چھا گئیں تاریکیاں مایوسیاں
بادہ کش حیران ہیں‘ پیر مغاں جاتا رہا
Maikade par chha gayin tareekiyan mayoosiyan
Baadah kash hairaan hain, peer-e-mughaan jaata raha
آنکھ روتی ہے نظر وہ غمگسار آتا نہیں
دل تڑپتا ہے کہ کیسا مہرباں جاتا رہا
Aankh roti hai nazar woh ghamgusar aata nahi
Dil tadapta hai ke kaisa meherbaan jaata raha
غیر ممکن ہے کہ یہ خالی جگہ پُر ہو سکے
واقعہ یہ ہے کہ یکتائے زماں جاتا رہا
Ghair mumkin hai ke yeh khaali jagah pur ho sake
Waqia yeh hai ke yaktaye zamaan jaata raha
راستہ دشوار منزل دور دنیا راهزن
کارواں کی خیر میرِ کارواں جاتا رہا
Raasta dushwaar manzil door duniya raahzan
Karwaan ki khair meer-e-karwaan jaata raha
اعظمؔ اب کیسے دِل بے چین کو آئے قرار
دل کا محرم جان کا آرام جاں جاتا رہا
Aazam ab kaise dil bechain ko aaye qaraar
Dil ka mehram jaan ka araam jaan jaata raha
Share This Naat
Share with friends and family
آہ علمِ دین کا اک رازداں جاتا رہا
محمد اعظم چشتی