Manqabat
سُنّیوں کے دل میں ہے عزّت ’’ وقارُ الدِّین‘‘ کی
سُنّیوں کے دل میں ہے عزّت ’’ وقارُ الدِّین‘‘ کی
آج بھی ممنون ہے ملّت ’’ وقارُ الدِّین‘‘ کی
Sunnion ke dil mein hai izzat "Waqaar-ud-Din" ki
Aaj bhi mamnoon hai millat "Waqaar-ud-Din" ki
آپ عَلّامہ و مفتی اور تھے شیخُ الحدیث
آج بھی ہے قلب میں عظمت ’’ وقارُ الدِّین‘‘ کی
Aap Allama wa Mufti aur the Sheikh-ul-Hadees
Aaj bhi hai qalb mein azmat "Waqaar-ud-Din" ki
صرف عالِم ہی نہیں تھے آپ عالِم گر بھی تھے
مرحبا تھی خوب عِلمیَّت ’’ وقارُ الدِّین‘‘ کی
Sirf aalim hi nahi the aap aalim gar bhi the
Marhaba thi khoob ilmiyyat "Waqaar-ud-Din" ki
بے عَدَد عُلما نے زانوئے تَلَمُّذ تہ کئے
کیا بیاں ہو شانِ عِلمیَّت ’’ وقارُ الدِّین‘‘ کی
Be adad ulama ne zanuyay talabuz teh kiye
Kya bayan ho shaan-e-ilmiyyat "Waqaar-ud-Din" ki
اِنْ شَآءَ اللہ کام آئے گی مجھے روزِ جزا
قَدر دانی علم کی اُلفت ’’ وقارُ الدِّین‘‘ کی
In-sha'Allah kaam aaye gi mujhe roz-e-jaza
Qadr daani ilm ki ulfat "Waqaar-ud-Din" ki
اِنْ شَآءَ اللہ وہ بروزِ حشر بخشا جائے گا
جس کو حاصل ہو گئی نسبت ’’ وقارُ الدِّین‘‘ کی
In-sha'Allah woh baroz-e-hashr bakhsha jayega
Jis ko hasil ho gayi nisbat "Waqaar-ud-Din" ki
وہ مجسَّم عاجِزی تھے اور سراپا سادَگی
اِس لئے تو دل میں ہے ہَیبت ’’ وقارُ الدِّین‘‘ کی
Woh majassam aajizi the aur sarapa saadgi
Is liye to dil mein hai haibat "Waqaar-ud-Din" ki
چارپائی اور تکیہ اور لوٹا جانَماز
تھی سراپا سادہ ہی طِینَت’’ وقارُ الدِّین‘‘ کی
Charpai aur takiya aur lota ja-namaz
Thi sarapa saada hi tinet "Waqaar-ud-Din" ki
چارپائی پر وہ ہوتے اورہم بھی رُوبرو
یاد آتی ہے ہمیں صحبت ’’ وقارُ الدِّین‘‘ کی
Charpai par woh hote aur hum bhi roobaru
Yad aati hai humein sohbhat "Waqaar-ud-Din" ki
آئے دن خدمت میں آکر ہم مسائل پوچھتے
یاد آتی ہے ہمیں صحبت ’’ وقارُ الدِّین‘‘ کی
Aaye din khidmat mein aakar hum masaail poochhte
Yad aati hai humein sohbhat "Waqaar-ud-Din" ki
نُکتہ دانی، مُوشِگا فی اور گُل افشانیاں
یاد آتی ہے ہمیں صحبت ’’ وقارُ الدِّین‘‘ کی
Nuktadani, mooshigafi aur gul-afshaaniyan
Yad aati hai humein sohbhat "Waqaar-ud-Din" ki
خَندہ پیشانی تبسُّم رَیز میٹھی گفتگو
یاد آتی ہے ہمیں صحبت ’’ وقارُ الدِّین‘‘ کی
Khanda peshani tabassum-raz meethi guftagu
Yad aati hai humein sohbhat "Waqaar-ud-Din" ki
ان کو سینے سے لگایا مصطَفٰے نے خواب میں
قابِلِ صَد رشک ہے قسمت ’’ وقارُ الدِّین‘‘ کی
Un ko seene se lagaya Mustafa ne khwab mein
Qabil-e-sad rashk hai qismat "Waqaar-ud-Din" ki
بندۂ بدکار ہوں ! افسوس میں بیکار ہوں
کچھ نہ مجھ سے ہو سکی خدمت ’’ وقارُ الدِّین‘‘ کی
Bandah-e-badkar hoon! afsos mein bekaar hoon
Kuch na mujh se ho saki khidmat "Waqaar-ud-Din" ki
سب مریدوں کے لئے سارے محبّوں کے لئے
سانِحہ جاں سَوز تھا رِحلت ’’ وقارُ الدِّین‘‘ کی
Sab mureedon ke liye saare mohibbon ke liye
Sanihah jaan-soz tha rehlat "Waqaar-ud-Din" ki
آخِری دیدار کے وقت آنکھ میری رو پڑی
دیکھ کر زیرِ کفن صورت ’’ وقارُ الدِّین‘‘ کی
Aakhiri deedaar ke waqt aankh meri ro padi
Dekh kar zayr-e-kafan soorat "Waqaar-ud-Din" ki
یاالٰہی! واسِطہ تجھ کو رسولِ پاک کا
نور سے معمور کر تُربَت ’’ وقارُ الدِّین‘‘ کی
Ya Ilahi! wastah tujhko Rasool-e-Pak ka
Noor se maamur kar turbat "Waqaar-ud-Din" ki
واسِطہ غوث و رضاکا اے خدائے مصطَفٰے
خواب میں مجھ کو دکھا صورت ’’ وقارُ الدِّین‘‘ کی
Wastah Ghaus wa Raza ka ae Khudaye Mustafa
Khwab mein mujh ko dikha soorat "Waqaar-ud-Din" ki
اُن کے فیضِ خاص سے عطارؔبھی ہے فیضیاب
اِس پہ کچھ زائد ہی تھی شَفقت ’’ وقارُ الدِّین‘‘ کی
Un ke faidh-e-khaas se Attar bhi hai faidhyaab
Is pe kuch zaid hi thi shafqat "Waqaar-ud-Din" ki
تُو تَو ہے عطارؔ بداطوار، وہ عالی وقار
کیا لکھے گا مَنقَبت حضرت وقارُ الدین کی
Tu to hai Attar badatwar, woh aali waqar
Kya likhe ga manqabat Hazrat Waqaar-ud-Din ki
Share This Naat
Share with friends and family
سُنّیوں کے دل میں ہے عزّت ’’ وقارُ الدِّین‘‘ کی
الیاس عطار قادری