آگئے آگئے مصطفی آگئے
آج دنیا میں خیر الوریٰ آگئے
Aagaye aagaye Mustafa aagaye
Aaj duniya mein khair ul wara aagaye
سر پہ تاجِ شفاعت سجائے ہوئے
شافعِ حشر نورِ خدا آگئے
Sar pe taj-e-shafa'at sajaye hue
Shafi'-e-Hashr noor-e-Khuda aagaye
نور و نکہت سے معمور دنیا ہوئی
جس گھڑی خاتم الانبیاء آگئے
Noor o nikhat se maamoor duniya hui
Jis ghari Khatam ul Anbiya aagaye
ہر طرف شورِ صل علیٰ ہے بپا
مرحبا مظہرِ کبریا آگئے
Har taraf shor-e-sallu 'ala hai bapa
Marhaba Mazhar-e-Kibriya aagaye
غم زدو آؤ خوشیاں مناؤ کہ اب
ہم غریبوں کا وہ آسرا آگئے
Gham zado aao khushiyan manao ke ab
Hum ghareebon ka woh aasra aagaye
ان کے صدقے ہدایت کی دولت ملی
حق نگر حق نما، رہنما آگئے
In ke sadqe hidayat ki daulat mili
Haq nagar Haq numa, rahnuma aagaye
قدسیوں نے کہا مرحبا مرحبا
جب کہ دنیا میں شاہِ دنیٰ آگئے
Qudsiyon ne kaha marhaba marhaba
Jab ke duniya mein Shah-e-Dana aagaye
مشکلوں میں گھِرا تھا یہ سارا جہاں
بن کے مشکل کشا مصطفیٰ آگئے
Mushkilon mein ghira tha yeh saara jahan
Ban ke mushkil kasha Mustafa aagaye
ظلمتِ شب نے بستر اٹھا ہی لیا
دہر میں جب کہ شمس الضحیٰ آگئے
Zulmat-e-shab ne bistar utha hi liya
Dahr mein jab ke Shams ud Doha aagaye
ہر طرف ہو گیا ظلم کا خاتمہ
عدل کی لے کے جب وہ ردا آگئے
Har taraf ho gaya zulm ka khatama
Adl ki le ke jab woh rida aagaye
احمدِؔ بے نوا خوب خوشیاں منا
آج دنیا میں خیر الوریٰ آگئے
Ahmad-e-be-nawa khoob khushiyan mana
Aaj duniya mein khair ul wara aagaye
Share This Naat
Share with friends and family
آگئے آگئے مصطفی آگئے
مولانا طفیل احمد مصباحی