طیبہ کے تاجدار نے دی زندگی نئی
وہ آئے اور پھیل گئی روشنی نئی
Tayba ke tajdar ne di zindagi nai
Woh aaye aur phail gayi roshni nai
نعتِ رسول کی جو یہ محفل سجی نئی
ہر ہر نَفَس میں دوڑ گئی تازگی نئی
Na'at-e-rasool ki jo ye mehfil saji nai
Har har nafas mein dord gayi tazgi nai
قرآن نے حیات کا وہ فلسفہ دیا
جس کے سبب جہاں کو ملی زندگی نئی
Quran ne hayat ka woh falsafa diya
Jis ke sabab jahan ko mili zindagi nai
ہم کو دیا نبی نے مساوات کا سبق
انسان کے شعور کو دی تازگی نئی
Hum ko diya Nabi ne masawat ka sabaq
Insan ke shaoor ko di tazgi nai
اخلاص اور صدق کا جذبہ عطا کیا
بخشا اصولِ امن نیا آشتی نئی
Ikhlas aur sidq ka jazba ata kiya
Bakhsha usool-e-aman naya aashti nai
خُلقِ نبی سے ہم کو ملا درسِ نظم و ضبط
انسان دوستی کی ملی چاشنی نئی
Khulq-e-Nabi se hum ko mila dars-e-nazm o zabt
Insan dosti ki mili chaashni nai
کردارِ مصطفیٰ نے سکھایا ہمیں یہی
اوروں کے کام آؤ ملے گی خوشی نئی
Kirdar-e-Mustafa ne sikhaya humein yehi
Auron ke kaam aao mile gi khushi nai
سردارِ دوجہاں کا ہے بستر چٹائی پر
ہر اک ادا میں آپ کی ہے سادگی نئی
Sardar-e-do jahan ka hai bistar chatai par
Har ek ada mein aap ki hai saadgi nai
دنیا میں دور دورہ جہالت کا جب بڑھا
اسلام لایا ایسے میں تہذیب ہی نئی
Duniya mein daur daura jahalat ka jab barha
Islam laaya aise mein tahzeeb hi nai
طیبہ کے گلستاں میں ذرا چل کے دیکھیے
اس کی روش روش پہ ملے سرخوشی نئی
Tayba ke gulistan mein zara chal ke dekhiye
Is ki rawesh rawesh pe mile surkhushi nai
روضہ نبی کا جس نے بھی دیکھا ہے اک نظر
محسوس ہو رہی ہے یہ دنیا نئی نئی
Roza Nabi ka jis ne bhi dekha hai ek nazar
Mehsoos ho rahi hai ye duniya nai nai
تاثیر ہے یہ شاہِ مدینہ کے نام میں
لیتے ہی نام منہ میں گھلے چاشنی نئی
Taseer hai ye Shah-e-Madina ke naam mein
Letay hi naam munh mein ghalay chaashni nai
پڑھیے درود اور سلام ان کے نام پر
محسوس ہوگی روح میں اک تازگی نئی
Padhiye darood aur salaam un ke naam par
Mehsoos hogi rooh mein ek tazgi nai
نعتِ رسول میں نے پڑھی نجدی جل گیا
یہ پھانس اس کے قلبِ سیہ میں چھبی نئی
Na'at-e-rasool mein ne padhi Najdi jal gaya
Ye phans us ke qalb-e-siyah mein chubi nai
اچھے میاں کے در پہ مریدوں کی بھیڑ ہے
دل میں ہر اک مرید کے وارفتگی نئی
Achay mian ke dar pe muridon ki bheer hai
Dil mein har ek mureed ke warfatgi nai
مرشد کی اک نگاہ کے ہم بھی ہیں منتظر
بس اک نظر کہ ہم کو ملے زندگی نئی
Murshid ki ek nigah ke hum bhi hain muntazir
Bas ek nazar ke hum ko mile zindagi nai
مرشد کے ہاتھ پر جو تہہ دل سے بک گیا
روحانیت کی مل گئی اک آگہی نئی
Murshid ke haath par jo teh dil se bik gaya
Ruhaniyat ki mil gayi ek aagahi nai
نظمی نے جب سے دیکھا ہے روضہ حضور کا
چھائی ہوئی ہے قلب پہ اک بے خودی نئی
Nazmi ne jab se dekha hai roza Huzoor ka
Chhai hui hai qalb pe ek bekhudi nai
Share This Naat
Share with friends and family
طیبہ کے تاجدار نے دی زندگی نئی
سید آل رسول حسنین میاں برکاتی نظمی