حالِ دل کس کو سنائیں آپ ﷺ کے ہوتے ہوئے
کیوں کسی کے در پہ جائیں آپ ﷺ کے ہوتے ہوئے
Haal-e-dil kis ko sunayein aap ﷺ ke hote hue
Kyun kisi ke dar pe jayein aap ﷺ ke hote hue
میں غلام مصطفی ﷺ ہوں یہ مری پہچان ہے
غم مجھے کیوں کر ستائیں آپ ﷺ کے ہوتے ہوئے
Main ghulaam Mustafa ﷺ hoon yeh meri pehchaan hai
Gham mujhe kyun kar satayein aap ﷺ ke hote hue
شانِ محبوبی دکھائی جائے گی محشر کے دن
کون دیکھے گا خطائیں آپ ﷺ کے ہوتے ہوئے
Shaan-e-mahboobi dikhayi jaye gi mahshar ke din
Kaun dekhe ga khataayen aap ﷺ ke hote hue
زلفِ محبوب خدا لہرائے گی محشر کے دن
خوب یہ کس کی گھٹائیں آپ ﷺ کے ہوتے ہوئے
Zulf-e-mahboob Khuda lehraaye gi mahshar ke din
Khoob yeh kis ki ghataayein aap ﷺ ke hote hue
میں یہ کیسے مان جاؤں شام کے بازار میں
چھین لے کوئی ردائیں آپ ﷺ کے ہوتے ہوئے
Main yeh kaise maan jaaon shaam ke bazaar mein
Cheen le koi rdaayein aap ﷺ ke hote hue
اپنا جینا اپنا مرنا اب اسی چوکھٹ پہ ہے
ہم کہاں سرکار جائیں آپ ﷺ کے ہوتے ہوئے
Apna jeena apna marna ab isi chokhat pe hai
Hum kahaan sarkar jayein aap ﷺ ke hote hue
کہہ رہا ہے آپ کا رب "اَنتَ فِیھِم" آپ سے
میں انہیں دوں کیوں سزائیں آپ ﷺ کے ہوتے ہوئے
Keh raha hai aap ka Rab "Anta Fehem" aap se
Main inhein doon kyun sazayein aap ﷺ ke hote hue
یہ تو ہو سکتا نہیں ہے یہ بات ممکن ہی نہیں
میرے گھر میں غم آ جائیں آپ ﷺ کے ہوتے ہوئے
Yeh to ho sakta nahin hai yeh baat mumkin hi nahin
Mere ghar mein gham aa jayein aap ﷺ ke hote hue
کون ہے الطاف اپنا حال دل کس سے کہیں
زخم دل کس کو دکھائیں آپ ﷺ کے ہوتے ہوئے
Kaun hai Altaf apna haal dil kis se kahein
Zakhm dil kis ko dikhayein aap ﷺ ke hote hue
Share This Naat
Share with friends and family
حالِ دل کس کو سنائیں
الطاف کاظمی