لمحے لمحے میں ہے خوشبو بھینی بھینی آپ کی
جانِ رحمت‘ رحمت اللّعالمینی آپ کی
Lamhay lamhay mein hai khushboo bhini bhini aap ki
Jaan-e-Rehmat, Rehmat al-lil Aalameeni aap ki
گونجتی ہے مشرق و مغرب میں آوازِ حرا
بیٹھتی ہے خاک پر سدرہ نشینی آپ کی
Goonjti hai mashriq o maghrib mein awaaz-e-Hira
Baithti hai khaak par Sidra nashini aap ki
اس جہاں میں بھی ہیں زندہ آپ کے صدقے میں ہم
آخرت میں بھی شفاعت ہے یقینی آپ کی
Is jahaan mein bhi hain zinda aap ke sadqay mein hum
Aakhirat mein bhi shafaat hai yaqini aap ki
حشر تک کی نعمتوں کے آپ قاسم ہیں حضورؐ
شانۂ آفاق پر رکھّی ہے سینی آپ کی
Hashr tak ki na'maton ke aap qasim hain Huzoor (ﷺ)
Shaana-e-aafaq par rakhi hai seeni aap ki
عرش سے پاتال تک ہیں آپ کے نقش قدم
چھوڑ دے پیچھے ابد کو دوربینی آپ کی
Arsh se paataal tak hain aap ke naqsh-e-qadam
Chhod de peeche abad ko doorbeeni aap ki
قربِ حق اتنا کہ دہری جیسے ہو جائے کماں
سلطنت ہے آسمانی و زمینی آپ کی
Qurb-e-Haq itna ke dohri jaise ho jaye kamaan
Saltanat hai aasmaani o zameeni aap ki
کم ہے جتنا بھی مظفر شکر اللہ کا کرے
محسنِ عالم ہے عالم آفرینی آپ کی
Kam hai jitna bhi Muzaffar shukar Allah ka kare
Mohsin-e-alam hai alam aafreeni aap ki
Share This Naat
Share with friends and family
لمحے لمحے میں ہے خوشبو بھینی بھینی آپ کی
مظفر وارثی