زندگی کا سفر ہے بڑا پُر خطر میں ہوں عصیاں میں ڈوبا ہوا سر بسر
اک نَظَر‘ اک نَظَر‘ اے ِمرے چارہ گر ! غم کا مارا ہوں میں لیجئے اب خبر
Zindagi ka safar hai bara pur khatar main hoon isya main duba hua sar basar
Ek nazar, ek nazar, ae mere charah gar! Gham ka mara hoon main lijiye ab khabar
وہ جو محروم ہیں تیرے انوار سے روشنی کی طلب اُن کو اغیار سے
چھوڑ کر تیرا دامن ملے گی کہاں تیرے در سے ہے جب روشنی کا سفر
Wo jo mehroom hain tere anwaar se roshni ki talab un ko aghyar se
Chhod kar tera daaman mile gi kahan tere dar se hai jab roshni ka safar
جس میں تیری محبت کا فقدان ہے ‘ دل وہ شاداں نہیں دشتِ ویران ہے
چھوڑ کر تیرا در ہو گئے در بدر بن گئے جاکے غیروں کے دریو زہ گر
Jis mein teri mohabbat ka faqdaan hai, dil wo shadaan nahin dasht-e-weeran hai
Chhod kar tera dar ho gaye dar badar ban gaye jaake ghairon ke dariyozah gar
اِتَّقُوا میرے مولا کا فرمان ہے اور خشیت تقاضائے ایمان ہے
جب سے خوفِ خُدا دل سے رخصت ہوا تب سے طاری ہوا ہم پہ دشمن کا ڈر
Ittaquu mere Maula ka farmaan hai aur khashiyat taqazaa-e-imaan hai
Jab se khof-e-Khuda dil se ruksat hua tab se taari hua hum pe dushman ka dar
کیوں جلیل اپنی قسمت پہ نازاں نہ ہو آکے در پہ تِرے کیسے شاداں نہ ہو
ہے کھڑا اپنا دامن پسارے ہوئے اب خطائوں سے ِللّہ کریں در گزر
Kyun Jaleel apni qismat pe nazaan na ho aake dar pe tere kaise shadaan na ho
Hai khara apna daaman pasaare hue ab khataon se lillah karen dar guzr
Share This Naat
Share with friends and family
زندگی کا سفر ہے بڑا پُر خطر
حافظ عبدالجلیل