زندہ ذوق خالد و ضرار افغانوں میں ہے
جاہدو کا شور کعبے کے نگہبانوں میں ہے
Zinda zoq Khalid o Zarar afghanon mein hai
Jahdo ka shor Ka'bey ke naghbanon mein hai
آج پابند سلاسل ہے اسیر جور ہے
جو بھی کابل کے خدا بینوں خدا دانوں میں ہے
Aaj paband silasil hai aseer jor hai
Jo bhi Kabul ke khuda beenon khuda danon mein hai
ذرہ ذرہ ہے شہیدوں کے لہو سے لالہ رنگ
گوشہ گوشہ منظر خونیں کہستانوں میں ہے
Zarra zarra hai shaheedon ke lahoo se lala rang
Gosha gosha manzar khoonin kehastanon mein hai
غازیان بدر و خندق کی ہے یہ بھی یادگار
جو تڑپ جو سوز شمع دیں کے پروانوں میں ہے
Ghaziyaan Badr o Khandaq ki hai yeh bhi yadgar
Jo trp jo soz shama deen ke parwanon mein hai
حضرت نور المشائخ کے مریدوں کو سلام
نام جن کا ولولہ انگیز افسانوں میں ہے
Hazrat Noor ul Mashaikh ke mureedon ko salam
Naam jin ka valola angez afsanon mein hai
کیوں نہیں اٹھتی کسی دل سے صدائے احتجاج
کیوں سکوت مرگ کا عالم مسلمانوں میں ہے
Kyun nahi uthti kisi dil se sada e ehtijaj
Kyun sukoote marg ka alam musalmanon mein hai
ناخداؤں کو ہے اپنے اپنے ساحل کی تلاش
اور ملت کا سفینہ ہے کہ طوفانوں میں ہے
Nakhdaon ko hai apne apne sahil ki talash
Aur millat ka safeena hai ke toofanon mein hai
Share This Naat
Share with friends and family
زندہ ذوق خالد و ضرار افغانوں میں ہے
مظہر الدین مظہر