ذکرِ سرکارؐ سے جب ذہن ترو تازہ ہو
تب کہیں جا کے بہم فکر کا شیرازہ ہو
Zikr-e-Sarkar ﷺ se jab zehan taro taaza ho
Tab kahin ja ke baham fikr ka sheraza ho
کاش وہ دور بھی آجائے مرے جیتے جی
گونجتا ہر طرف اسلام کا آوازہ ہو
Kaash woh daur bhi aajaye mere jeetey jee
Goonjta har taraf Islam ka awaaza ho
آج افکار ہیں بے راہروی سے بے حال
وا پھر اس شرکدہ میں خیر کا دروازہ ہو
Aaj afkaar hain be raahrawi se be haal
Wa phir is shirkadah mein khair ka darwaza ho
رہروِ منزلِ رحمت سے یہ کہتی ہے فضا
تیز کچھ اور ابھی شوق کاجمازہ ہو
Rahrow-e-Manzil-e-Rehmat se yeh kehti hai fizaa
Tez kuch aur abhi shauq ka jamazah ho
شانِ محبوبِؐ خدا کس سے بیاں ہو تائب
کیسے اک ذرّے کو آفاق کا اندازہ ہو
Shaan-e-Mehboob ﷺ e Khuda kis se bayan ho Taib
Kaise ek zarre ko aafaq ka andaaza ho
Share This Naat
Share with friends and family
ذکرِ سرکارؐ سے جب ذہن ترو تازہ ہو
حفیظ تائب