زمانے کی نگاہوں سے چھپاکر اُن کی یادوں کو
دلِ مضطر میں رکھتا ہوں سجا کر اُن کی یادوں کو
Zamany ki nigahon se chhupakar un ki yaadon ko
Dil-e-muztar mein rakhta hoon saja kar un ki yaadon ko
تعلق توڑ کر اُن سے عبث دعوٰی ہے ایماں کا
کوئی مومن نہیں رہتا بُھلا کر اُن کی یادوں کو
Ta'alluqd tod kar un se abas da'waa hai imaan ka
Koi momin nahin rehta bhula kar un ki yaadon ko
نکلنا ہے اگر تم کو غمِ دنیا کے طوفان سے
چلو رہ میں سہارا پھر بناکر اُن کی یادوں کو
Nikalna hai agar tum ko gham-e-dunya ke toofaan se
Chalo reh mein sahara phir banakar un ki yaadon ko
بہاروں کا سماں ہوگا تمہارے من کی وادی میں
ذرا دیکھو توسینے میں بسا کر اُن کی یادوں کو
Baharon ka samaa hoga tumhare man ki vadi mein
Zara dekho toseene mein basa kar un ki yaadon ko
جلیل آخر رہائی منحصر ہے اُن کے عرفاں پر
سو اپنے دل میں رکھ لینا سجا کر اُن کی یادوں کو
Jaleel aakhir rehayi munhasir hai un ke irfaan par
So apnay dil mein rakh lena saja kar un ki yaadon ko
Share This Naat
Share with friends and family
زمانے کی نگاہوں سے چھپاکر اُن
حافظ عبدالجلیل