زائر جو بھی شہرِ مدینہ اپنے گھر سے جاتے ہیں
دل اپنا اُن کی چوکھٹ پر رکھا چھوڑ کے آتے ہیں
Zaair jo bhi shehr-e-Madina apne ghar se jatay hain
Dil apna un ki chaukhat par rakha chor ke aatay hain
شاہ و گدا جو سائل بن کر آپ کے در پر جا پہنچے
اُس در سے وہ سارے بھکاری جھولیاں بھر کر لاتے ہیں
Shah o gada jo sail ban kar aap ke dar par ja pohnchay
Us dar se wo saare bhikari jholiyan bhar kar latay hain
در قاسم کا وا ہے جب تو اور کسی سے کیوں مانگیں
لوگوں کے دامن میں خزانے ، آپ کے در سے آتے ہیں
Dar Qasim ka wa hai jab to aur kisi se kyun mangain
Logon ke daman mein khazanay, aap ke dar se aatay hain
لفظِ قُم سے حضرتِ عیسٰی ، مُردے زندہ کرتے ہیں
جانِ مسیحا مُردے ہی کیا ، پتھر سے بُلواتے ہیں
Lafz-e-Qum se Hazrat-e-Eesa, murday zinda karte hain
Jaan-e-Masihah murday hi kya, pathar se bulwatay hain
حرفِ مُشدّد کی مانند ، وہ دونوں جانب واصل ہیں
ہاتھ پکڑ کر بندوں کا وہ اللہ سے مِلواتے ہیں
Harf-e-mushaddad ki manind, wo dono janib wasil hain
Haath pakar kar bandon ka wo Allah se milwatay hain
اُن کی نگاہِ لطف و کرم میں، جو آیا شہکار ہوا
دیکھ لیں جس کو ایک نظر سے تو سردار بناتے ہیں
Un ki nigah-e-lutf o karam mein, jo aya shahkar hua
Dekh lein jis ko aik nazar se to sardar banatay hain
مومن کو ہے اُلفت تُجھ سے ، بُغض مُنافق رکھتے ہیں
سوچ ذرا یہ سرورِ عالَم حیدر سے فرماتے ہیں
Momin ko hai ulfat tujh se, bughz munafiq rakhte hain
Soch zara ye sarwar-e-alam Haider se farmatay hain
نام جلیل اُن ہی کا ہر دم ، اپنے لب پر رہتا ہے
نوکر سے جو قبر تا محشر ، ہر جا ساتھ نبھاتے ہیں
Naam Jaleel un hi ka har dam, apne lab par rahta hai
Nokar se jo qabr ta mahshar, har ja saath nibhatay hain
Share This Naat
Share with friends and family
زائر جو بھی شہرِ مدینہ اپنے گھر سے جاتے ہیں
حافظ عبدالجلیل