زہد و تقویٰ پہ نہ تکمیلِ عبادت پہ ہے ناز
ہم غلاموں کو غلامیِ رسالت پہ ہے ناز
Zuhd o taqwa pe na takmeel-e ibadat pe hai naaz
Hum ghulamon ko ghulami-e risalat pe hai naaz
جلوہ گر رحمتِ عالم تری آغوش میں ہے
اے حلیمہ ہے بجا جو تجھے قسمت پہ ہے ناز
Jalwa gar rehmat-e aalam teri aaghosh mein hai
Ae Haleema hai baja jo tujhe qismat pe hai naaz
کتنے بدبخت ہیں وہ ہوگئے دل ان کے سیاہ
برملا جو کہیں تضحیکِ رسالت پہ ہے ناز
Kitne badbakht hain woh hogaye dil unke siyaah
Barmala jo kahein tozeeh-e risalat pe hai naaz
کام آئے گی یہی حُبِ نبیؐ محشر میں
اس لیے ہم کو فقط حُبِ نبوت پہ ہے ناز
Kaam aaye gi yahi hub-e nabi ﷺ mahshar mein
Is liye hum ko faqat hub-e nabuwat pe hai naaz
امتی آپ کا ہونے کی تمنا لے کر
انبیا تک کو بھی سرکار کی امت پہ ہے ناز
Ummati aap ka hone ki tamanna le kar
Anbiyaa tak ko bhi sarkar ki ummat pe hai naaz
فخر تقویٰ پہ بھلے ہی کریں شب زندہ دار
ہم کو بس شافعِ محشر کی شفاعت پہ ہے ناز
Fakhr taqwa pe bhale hi karein shab zindah daar
Hum ko bas shaafi-e mahshar ki shafaat pe hai naaz
جس سے دو نیم ہوئی پل میں زمینِ مہتاب
ہم کو اس جنبشِ انگشتِ رسالت پہ ہے ناز
Jis se do neem hui pal mein zameen-e mehtaab
Hum ko is junbish-e angusht-e risalat pe hai naaz
سرنگوں کر دیا جس نے سرِ باطل کا غرور
بدر کے تین سو تیرہ کی شجاعت پہ ہے ناز
Sar nigoon kar diya jis ne sar-e baatil ka ghuroor
Badr ke teen sau teerah ki shujaat pe hai naaz
یوں تو اصنافِ سخن اور بھی احسؔن ہیں مگر
مجھ کو بس سرورِ کونین کی مدحت پہ ہے ناز
Yoon to asnaf-e sukhan aur bhi Ahsan hain magar
Mujh ko bas sarwar-e kownain ki madahat pe hai naaz
Share This Naat
Share with friends and family
زہد و تقویٰ پہ نہ تکمیلِ عبادت پہ ہے ناز
احسن اعظمی