یہ نظر حجاب نہیں رہے یہ بڑے نصیب کی بات ہے
نہیں ان سے کوئی بھی فاصلہ یہ بہت قریب کی بات ہے
Yeh nazar hijab nahi rahe yeh bade naseeb ki baat hai
Nahi un se koi bhi faasla yeh bohat qareeb ki baat hai
وہاں ہر طبیب ہے سر بہ خم جہاں مَوت آکے رکھے قدم
جو قضا کے وقت کو ٹال دے وہ میرے طبیب کی بات ہے
Wahan har tabeeb hai sar ba kham jahan maut aake rakhe qadam
Jo qaza ke waqt ko taal de wo mere tabeeb ki baat hai
کوئی اس جہاں کا اسیر ہے کوئی اس جہاں کا حریص ہے
میں فدائے ذکرِ رسولؐ ہوں یہ میرے نصیب کی بات ہے
Koi is jahan ka aseer hai koi is jahan ka harees hai
Main fidaaye zikr-e-Rasool (SAW) hoon yeh mere naseeb ki baat hai
میں بروں سے لاکھ برا سہی مگر ان سے ہے میرا واسطہ
میری لاج رکھنا میرے خدا یہ تیرے حبیبؐ کی بات ہے
Main buron se laakh bura sahi magar un se hai mera waasta
Meri laaj rakhna mere Khuda yeh tere Habeeb (SAW) ki baat hai
میں جیوں غریبوں کے ساتھ ہی میں اٹھوں غریبوں کے ساتھ ہی
جو بڑا غریب نواز ہے یہ اسی غریب کی بات ہے
Main jioon ghareebon ke sath hi main utthoon ghareebon ke sath hi
Jo bara ghareeb nawaz hai yeh usi ghareeb ki baat hai
وہ خدا نہیں ہے مجھے یقیں مگر اس میں بھی کوئی شک نہیں
نہ مُحب کا قول کہیں جدا نہ جُدا حبیبؐ کی بات ہے
Wo Khuda nahi hai mujhe yaqeen magar is mein bhi koi shak nahi
Na muhib ka qoul kahin juda na juda Habeeb (SAW) ki baat hai
کوئی پاس رہ کے بھی دور ہے کوئی دور رہ کے پاس ہے
مگر اس میں کوئی کرے گا کیا یہ فقط نصیب کی بات ہے
Koi paas reh ke bhi door hai koi door reh ke paas hai
Magar is mein koi kare ga kya yeh faqat naseeb ki baat hai
میری کیا مجال کہ لکھ سکوں کوئی نعت خالِؔد بے نَوا
جو نقیبِ عشقِ رسولؐ ہے یہ اُسی نقیب کی بات ہے
Meri kya majaal ke likh sakoon koi naat Khalid be nava
Jo naqib-e-ishq-e-Rasool (SAW) hai yeh usi naqib ki baat hai
Share This Naat
Share with friends and family
یہ نظر حجاب نہیں رہے
خالد محمود خالد