یہ مانا کہ سب کچھ خُدا سے ملا ہے
’’خُدا کا پتہ مصطفٰےﷺسے ملا ہے‘‘
Yeh mana ke sab kuch Khuda se mila hai
"Khuda ka pata Mustafa (ﷺ) se mila hai"
قسم ہے خُدا کی ! دیا ہے خُدا نے
مگر مُصطفٰےﷺکی رضا سے ملا ہے
Qasam hai Khuda ki! Diya hai Khuda ne
Magar Mustafa (ﷺ) ki raza se mila hai
خُدا کی عطائیں ہیں قاسم پہ لیکن
ہمیں قاسمِ دِلرُبا سے ملا ہے
Khuda ki atayein hain qasim pe lekin
Humen qasim-e-dilruba se mila hai
کہاں تھا میں قابل،مجھے میرے آقا
ملا جو بھی تیری ثنا سے ملا ہے
Kahan tha main qabil, mujhe mere aaqa
Mila jo bhi teri sana se mila hai
گنہ گار اُمّت کو بخشش کا مُژدہ
زبانِ حبیبِ خدا سے ملا ہے
Gunahgar umeet ko bakhshish ka muzdah
Zabaan-e-habib-e-Khuda se mila hai
دلِ مضطرب کو یہ سامانِ راحت
مدینے کی ٹھنڈی ہوا سے ملا ہے
Dil-e-muztarib ko yeh samaan-e-rahat
Madinay ki thandi hawa se mila hai
ترے در کی مٹی ہے آنکھوں کا سُرمہ
اِنہیں نُور خاکِ شِفا سے ملا ہے
Tere dar ki mitti hai aankhon ka surma
Inhein noor khak-e-shifa se mila hai
یہ قُرآن و ایمان حتٰی کہ خالق
ہمیں سب درِ مُصطفٰے سے ملا ہے
Yeh Quran o imaan hata ke Khaliq
Humen sab dar-e-Mustafa se mila hai
پسارا ہے دامن جلیل ، اُن کے در پر
کہ جن کو خُدا کی عطا سے ملا ہے
Pasara hai daaman Jaleel, un ke dar par
Ke jin ko Khuda ki ata se mila hai
Share This Naat
Share with friends and family
یہ مانا کہ سب کچھ خُدا سے ملا ہے
حافظ عبدالجلیل