Manqabat
یاداں مڑ کے آئیاں آج خواجہ سرکار دیاں
یاداں مڑ کے آئیاں آج خواجہ سرکار دیاں
کیویں میں بھل جاواں گلاں اوہدے پیار دیاں
Yaadaan mar ke aaiyaan aaj khwaja sarkar diyaan
Kivein mein bhal javan gallan ohde pyaar diyaan
رہن محبت دے رکھ ساوے کدی خزاں وی پیر نہ پاوے
خواجہ میرے دے باغ دے اندر رُتاں رہن بہار دیاں
Rehn mohabbat de rakh saave kadi khazan wi peer na pave
Khwaja mere de baagh de andar rutan rehn bahar diyaan
تیریاں سیاں ہر دم خواجہ خواجہ خواجہ پکار دیاں
تیرے نام توں اج وی سیاں تن من اپنا وار دیاں
Teriyaan siyaan har dum khwaja khwaja khwaja pakar diyaan
Tere naam ton aj vi siyaan tan man apna waar diyaan
جتھے بیٹھا اللہ والا ہو گیا اوتھے نور اُجالا
جتھوں دی لنگھیا خواجہ میرا او گلیاں حمد پکار دیاں
Jithe baitha Allah wala ho gaya othe noor ujala
Jithon di langhiya khwaja mera o galiyan hamd pakar diyaan
بہہ گیاں جو در مرشد دے جاگے سُتے لیکھ اوہناں دے
جہناں نے یاردا بوہا چھڈیا آر دیاں نہ پار دیاں
Beh gaiyaan jo dar murshid de jaage sute lekh ohnaan de
Jehnaan ne yardaa boha chhaddia aar diyaan na paar diyaan
بھاویں یورپ وچ جا وسو بھاویں خواجہ کول روو
کرم نوازیاں ہندیاں رہسن ہر دم میرے یار دیاں
Bhawain Europe vich ja vaso bhawain khwaja kol rovo
Karam nawaziyan handiyaan rehasan har dum mere yaar diyaan
دید تیری دے طالب خواجہ رو رو ترلے پاؤندے نے
باریاں کھول دے ہن تے خواجہ سنگیاں لئی دیدار دیاں
Deed teri de taalib khwaja ro ro tarle paonde ne
Baariyaan khol de han te khwaja sangiyaan lai didar diyaan
راضی کرناں چاؤندے او جے اپنے سوہنے مر شد نوں
چھڈیا جے نہ سنگتاں سنگیو خواجہ دے دلدار دیاں
Raazi karnaan chaonde o je apne sohane murshid noo
Chhaddia je na sangatyaan sangiyo khwaja de dildaar diyaan
میرے خواجہ دے دیوانے آون جاون رات دنے
رونقاں ودھ دیاں رہن ہمیشہ خواجہ دے دربار دیاں
Mere khwaja de diwaane aavan jawan raat dane
Ronqaan vadh diyaan rehn hamesha khwaja de darbaar diyaan
اپنی آل اولاد دا صدقہ دیویں خیر سوالیاں نوں
دھماں سن کے آ ئی آں میں وی تیرے سخی دربار دیاں
Apni aal aulaad da sadqa devein khair saawaliyaan noo
Dhammaan sun ke aai aan main vi tere sakhi darbaar diyaan
میرا تے ایمان ہے یارو قبر چوں خواجہ دیکھ رئے نے
کیہڑیاں سیاں نام میرے توں تن من اپنا وار دیاں
Mera te imaan hai yaaro qabr cho khwaja dekh re ne
Kihriyaan siyaan naam mere ton tan man apna waar diyaan
دید دے بھکیاں عاشقاں تائیں روندیاں چھڈ کے چھپ گئے او
اجے تے بھکھاں لتھیاں نئیں سی خواجہ تیرے دیدار دیاں
Deed de bhikhiyaan aashqaan taain rondiyaan chadd ke chhup gaye o
Ajay te bhikhaan lathiyaan nein si khwaja tere didar diyaan
جہناں سانوں خیراں دتیاں جہناں ساڈیاں خیراں منگیاں
تُسیں وی خیراں منگو سنگیو خواجہ دے گھر بار دیاں
Jehnaan saano khairaan ditiyaan jehnaan saadaiyaan khairaan mangiyaan
Tusain vi khairaan mango sangiyo khwaja de ghar baar diyaan
ہو کے اکو در دے رہنا یار دعاواں کر دے رہنا
عزتاں ہور ودھاوے مولا خواجہ تیرے دلدار دیاں
Ho ke akko dar de rehna yaar duaawaan kar de rehna
Izzataan hor vadhave Maula khwaja tere dildar diyaan
رب دی قدرت دیکھ نیازی ایہنو کہندے کرم نوازی
آئیاں نے فاروق دے حصے خدمتاں اس دربار دیاں
Rab di qudrat dekh Niazi ehnno kende karam nawazee
Aaiyaan ne Farooq de hise khidmataan is darbaar diyaan
Share This Naat
Share with friends and family
یاداں مڑ کے آئیاں آج خواجہ سرکار دیاں
عبدالستار نیازی