یارب ‘ مرے وطن کو اِک ایسی بہار دے
جو سارے ایشیا کی فضا کو نکھار دے
Yarab, mere watan ko ik aisi bahar de
Jo saare Asia ki fiza ko nikhar de
یارب ‘ مرے وطن میں اِ ک ایسی ہوا چلا
جو اُس کے رُخ سے گرد کے دَھبے اُتار دے
Yarab, mere watan mein ik aisi hawa chala
Jo us ke rukh se gard ke dhabbe utaar de
یارب ‘ وہ اَبر بخش کہ جو ارضِ پاک کو
حدِ نظر تک اُمڈے ہوئے سبزہ زار دے
Yarab, wo abr bakhsh ke jo arz-e-pak ko
Had-e-nazar tak umadhe hue sabza zar de
میداں جو جل چکے ہیں ‘ بجھا ان کی تشنگی
شاخیں جو لُٹ چکی ہیں ‘ انہیں برگ و بار دے
Maidan jo jal chuke hain, bujha un ki tishnagi
Shaakhein jo lut chuki hain, unhein barg o bar de
ہر فرد میری قوم کا ‘ اک ایسا فرد ہو
اپنی خوشی ‘وطن کی خوشی پر جو وار دے
Har fard meri qaum ka, ik aisa fard ho
Apni khushi, watan ki khushi par jo waar de
یہ خطہ زمین مُعَنُوَن ہے تیرے نام
دے اس کو اپنی رحمتیں اور بے شمار دے
Yeh khitta zameen muanun hai tere naam
De is ko apni rehmatien aur beshumar de
Share This Naat
Share with friends and family
یارب ‘ مرے وطن کو اِک ایسی بہار دے
احمد ندیم قاسمی