یا رب دیویں یار دا صدقہ
درد مٹا دلدار دا صدقہ
Ya Rab deywe Yaar da sadqa
Dard mita dildaar da sadqa
سب دی دُور مُصیبت کر دے
اُمت دے غمخوار دا صدقہ
Sab di door museebat kar dey
Ummat dey ghamkhaar da sadqa
موت مدینے دیویں مولا
طیبہ دی سرکار دا صدقہ
Maut Madine deywe Maula
Taybah di Sarkar da sadqa
دے دے چین آرام دلاں نوں
نبیاں دے سردار دا صدقہ
Dey dey chain aaraam dilaan noon
Nabiyaan dey sardar da sadqa
سب دی منزل نیڑے کر دے
عرش دے شہ اسوار دا صدقہ
Sab di manzil neyrey kar dey
Arsh dey shah aswaar da sadqa
ہر مومن نُوں قُوت دیویں
حیدر دی تلوار دا صدقہ
Har Momin noon quwat deywe
Haider di talwaar da sadqa
بھر چھڈ صائم دی وی جھولی
آج اپنے دربار دا صدقہ
Bhar chadd Sa'im di vi jholi
Aaj apne darbaar da sadqa
Share This Naat
Share with friends and family
یا رب دیویں یار دا صدقہ
علامہ صائم چشتی