یا رب درِ رسول پہ جانا نصیب ہو
روضے پہ ان کے نعت سنانا نصیب ہو
Ya rab dar-e-rasool pe jana naseeb ho
Roday pe un ke naat sunana naseeb ho
گھر بار تیری رہ میں لٹانا نصیب ہو
نامِ نبی پہ جان گنوانا نصیب ہو
Ghar bar teri reh mei lutana naseeb ho
Naam-e-nabi pe jaan gunwana naseeb ho
مدفن بنے ”بقیعِ معلیٰ“ ہے آرزو
طیبہ کی ٹھنڈی چھاؤں میں سونا نصیب ہو
Madfan bane "baqia mualla" hai aarzoo
Tayba ki thundi chaoon mei sona naseeb ho
احرامِ عشق باندھ کے طیبہ کا ہو سفر
اشکوں کے موتی در پہ لٹانا نصیب ہو
Ahram-e-ishq bandh ke tayba ka ho safar
Ashkon ke moti dar pe lutana naseeb ho
مال و منال کی مجھے ہرگز نہیں طلب
نعلینِ پاک سر پہ اٹھانا نصیب ہو
Maal o manal ki mujhe hargiz nahi talab
Naleen-e-paak sar pe uthana naseeb ho
احمد کی آرزو ہے یہی ربِّ کائنات
عشقِ نبی میں دل کو جلانا نَصیب ہو
Ahmad ki aarzoo hai yehi rab-e-kainat
Ishq-e-nabi mei dil ko jalana naseeb ho
Share This Naat
Share with friends and family
یا رب درِ رسول پہ جانا نصیب ہو
مولانا طفیل احمد مصباحی