یا رب بسا کے بیٹھا ہوں دنیائے آرزو
دیدارِ شہرِ نور کی بر آئے آرزو
Ya rab basa ke baitha hoon duniya-e-aarzu
Deedaar-e-shehar-e-noor ki bar aaye aarzu
کب دیکھیے پڑے گی نگاہِ شہِ اُمم
گلزار کب بنے گا یہ صحرائے آرزو
Kab dekhiye padegi nigah-e-sheh-e-umm
Gulzar kab banega ye sahraye aarzu
کب تک حضور دل میں رہے آرزوئے دید
صورت ہو کوئی ایسی کہ بر آئے آرزو
Kab tak huzoor dil mein rahe aarzu-e-deed
Soorat ho koi aisi ke bar aaye aarzu
بلوا کے اپنے در پہ اسے سرخرو کریں
ایسا نہ ہو کہ دل میں ہی رہ جائے آرزو
Bulwa ke apne dar pe ise sarakhru karein
Aisa na ho ke dil mein hi reh jaye aarzu
نشّہ ہو جس میں عشقِ رسولِ انام کا
دل چاہتا ہے بس وہی صہبائے آرزو
Nasha ho jis mein ishq-e-Rasool-e-inaam ka
Dil chahta hai bas wahi sehbaye aarzu
دیکھا جو میں نے قافلۂ عازمینِ حج
دل کے چمن میں کِھل اُٹھے گلہائے آرزو
Dekha jo mene kafila-e-aazmeen-e-hajj
Dil ke chaman mein khil uthe gullahaye aarzu
سرکار کا دیار کہاں اور کہاں شفیقؔ
کہدو زیادہ پائوں نہ پھیلائے آرزو
Sarkar ka dayar kahan aur kahan Shafiq
Kahdo zyada paaon na phelaye aarzu
Share This Naat
Share with friends and family
یا رب بسا کے بیٹھا ہوں دنیائے آرزو
شفیق ؔ رائے پوری