یا الہٰی تُو کارسازو کریم !
ما ورائے حدوث نُورِ قدیم
Yaa elahi tu karasazo kareem !
Ma waraye hadas nuri qadeem
بے نیازی تجھی کو زیبا ہَے
اوّل و آخر و خبیر و علیم
Be neazi tujhi ko zeba hye
Awel o aakhir o khabeer o aleem
عالمِ شش جہت خفی و جلی !
سب کا خالق ہَے تُو محیط و مقیم
Alam-e shash jehat khafi o jali !
Sab ka khaleq hye tu muhiit o maqeem
ہیں وجود و عدم ترِی تخلیق
دم بدم ہر جگہ عیان و عدیم
Hain wujud o adam teri takhleeq
Dam ba dam har jagah ayaan o adeem
تیرے جلوے عیاں ہوئے ہر جا
رنگِ گُل ، شبنم و نسیم و شمیم
Tere jalwe ayaan hue har jaga
Rang-e gul , shabnam o naseem o shameem
بے نیازِ وجود نُور تِرا !
آئینہ دیکھنے کو قلبِ سلیم
Be nezaa-e wujud nur tera !
Aaeena daikhne ko qalb-e saleem
عرشی و فرشی ‘ نُوری و ناری
جِنّ و انساں کریں تری تعظیم
Arshi o farshi ' nuri o naari
Jin o insaan karen teri tazim
گنجِ مخفی بھی آشکار بھی تُو
ہو ازل یا ابد تری اقلیم!
Ganj-i makhfi bhi ashakaar bhi tu
Ho azal ya abad teri iqlim !
کب رقم ہوسکے ثنا تیری !
راقم اشجار ہوں بحور رقیم !
Kab raqam hoske sana teri !
Raqam ashar hun bahr raqeem !
کوئی ہمسر نہ ہے شریک تیرا !
جو کرے دعوی ٰ و لعین و رحیم
Koi hamsar na hye shareek tera !
Jo kare dawawa laeen o raheem
تُو نے بخشا ہَے سب کو ذوقِ نمود
یہ کواکب، قمر ، یہ شمس عظِیم
Tu ne bakhsha hye sab ko zouq-e namood
Yeh kawakib, qamar , yeh shams azeem
موجِ قلزم تری جبال ترے
ہفت افلاک و ارض کا ہَے نعیم
Moj-e qalzam teri jabal tere
Haft aflaaq o arz ka hye naeem
اپنے اپنے مَدار میں گرداں
یہ نجومِ فلک ، جمیل و جیم
Apne apne madaan mein gardaan
Yeh nujoom-e falak, jameel o jeem
قلبِ مضطر کا تُو قرار و سکوں
تُو ہَے ستّار تو غفور و رحیم
Qalb-e muztar ka tu qarar o sukoon
Tu hye sattar to ghaffar o raheem
تُو عیاں میں نہاں ، نہاں میں عیاں
صُورت و معنی ہیں کلام و کلیم
Tu ayaan mein nahaan , nahaan mein ayaan
Suurat o maani hain kalaam o kaleem
تُو ہی قہّار و قادر و جبّار!
منتقم تُو ہے ، تُو مذلِّ عظیم
Tu hi qahaar o qaadir o jabbaar!
Muntaqim tu hye , tu muzil-e azeem
تیری ہیبت سے کانپتا ہے جہاں
لقمہء نارِ مو قدہ ہو غنیم
Teri haisiyat se kaanpata hye jahan
Luqma-e naar-e mo qidah ho ghaneem
کافر و مشرک وہنود و یہود !
زندہ ہیں اس لیے کہ تُو ہے کریم
Kaafir o mushrik wennod o yehud !
Zinda hain is liye ke tu hye kareem
جی رہے ہیں ترے سہارے پر
مورِ بے مایہ ہو کہ فیلِ شحیم
Ji rahe hain tere sahare par
Moore be maya ho ke feel-e shaheem
تُو ہَے رازق محافظ و مولا !
آدمی ہے مگر ظلوم و خصیم
Tu hye raaziq muhafiz o maula !
Aadmi hye magar zaloom o khasim
عقل حیراں ہے فلسفہ" گُم صُم "
تجھ کو سمجھے کوئی کہاں کا فہیم
Aqal hayraan hye falsfa" gum sum "
Tujko samjhe koi kaha ka faheem
تیری تسبیح ، کائات کی خُو !
ذرّہ ذرّہ کہے عزیز و حکیم
Teri tasbih, kaayenaat ki khu !
Zarra zarra kahe azeez o hakeem
تیرا احسان ہے بہ شکلِ نبیؐ
ذاتِ اقدس تری رؤف و رحیم
Tera ehsaan hye bi shakl-e nabi (S.A.W)
Zaat-e aqdas teri ro'uf o raheem
اپنے محبُوبؐ کی محبّت بخش
اے شہِ انس و جاں حکیم و حلیم
Apne mahboob (S.A.W) ki mohabbat bakhsh
Ae shahe ins o jaan hakeem o haleem
معصیت معرفت میں ہو تبدیل
دِل سے ہوں دُور خواہشاتِ ذمیم
Masiyat ma'rifat mein ho tabdeel
Dil se hon door khwahishat-e zameem
خاک ہو جائے ما سِوا کی طلب
صرف تیری لگن ہو عزم صمیم
Khaak ho jaye maa siwa ki talab
Sirf teri lagan ho azm-e sameem
مومنوں کو ملے فغانِ سحر!
چاہنے والوں کو عطا ہو گلیم !
Mominu ko mile fagan-e seher!
Chahne walon ko ata ho galeem !
تیرے بندے نہ ہوں نحیف و غریب
تیرے باغی نہ ہوں امیر و لحیم !
Tere bande na hon naheef o ghareeb
Tere baaghi naa hon ameer o laheem !
راہ بر کون ، کون ہے رہزن ؟
دُودھ پانی کی ہو ذرا تقسیم
Raah bar kaun, kaun hye rahzan ?
Doodh paani ki ho zara taqseem
اپنے اسلام کی حفاظت کر !
لوگ کرنے چلیں ہیں کچھ تر میم
Apne Islam ki hifazat kar !
Log karne chale hain kuch tarmeem
تُجھ کو اپنے حبیبؐ کی ہے قسم !
ہو عطا اُلفتِ نبیِؐ کریم !
Tujh ko apne habib (S.A.W) ki hye qasam !
Ho ata ulfat-e nabi (S.A.W) kareem !
ہم بھی دیکھیں ذرا وہی جلوے
سامنے ہوں نظر کے طور و کلیم ؑ
Hum bhi dekhen zara wahi jalwe
Samne hon nazar ke toor o kaleem (A.S)
مظہرِ عینِ حق ہے ذاتِ نبی ؐ !
مرکزو محور و محبّ و مقیم
Mazhar-e ayn-e haq hye zaat-e nabi (S.A.W) !
Markazu mehar o mohib o maqeem
مسندِ عرش پر میان ِ کمان
حُسنِ احمدؐ ہے احسنِ تقویم
Masnad-e arsh par mayan-e kaman
Husn-e Ahmad (S.A.W) hye ahsan-e taqweem
شانِ مولا ہو کیا بیاں واصؔف
اُس کا اِحسان ہے عظیم و قدیم
Shaan-e maula ho kya bayan waasif
Uska ehsaan hye azeem o qadeem
Share This Naat
Share with friends and family
یا الہٰی تُو کارسازو کریم !
واصف علی واصف