نام بھی تیرا عقیدت سے لئے جاتا ہوں
ہر قدم پر تجھے سجدے بھی کئے جاتا ہوں
Naam bhi tera aqeedat se liye jata hoon
Har qadam par tujhe sajday bhi kiye jata hoon
کوئی دنیا میں مِرا مونس و غمخوار نہیں
تیری رحمت کے سہارے پہ جیے جاتا ہوں
Koi duniya mein mera monis o ghamkhaar nahin
Teri rehmat ke sahare pe jiye jata hoon
تیرے اوصاف میں اک وصف خطا پوشی ہے
اس بھروسے پہ خطائیں بھی کئے جاتا ہو ں
Tere oosaaf mein ek wasf khata poshi hai
Is bhorose pe khataen bhi kiye jata hoon
آزمائش کا محل ہو کہ مَسرّت کا مقام
سجدہء شکر بہر حال کئے جاتا ہوں
Aazmaish ka mahal ho ke masarrat ka muqam
Sajda-e-shukar behr haal kiye jata hoon
زندگی نام ہے اللہ پہ مَر مٹنے کا
یہ سبق سارے زمانے کو دیئے جاتا ہوں
Zindagi naam hai Allah pe mar mitne ka
Ye sabaq sare zamane ko diye jata hoon
صبر کرنا ہے تری شانِ کریمی کو عزیز
میں یہی سوچ کے آنسو بھی پیے جاتا ہوں
Sabr karna hai teri shaan-e-kareemi ko azeez
Main yehi soch ke aansoo bhi piye jata hoon
ہر گھڑی اُس کی رضا پیشِ نظر ہے اقبالؔ
شکر ہے ، ایک سلیقے سے جیے جاتا ہو ں
Har ghari us ki raza paish-e-nazar hai iqbal
Shukar hai, ek saliqay se jiye jata hoon
Share This Naat
Share with friends and family
نام بھی تیرا عقیدت سے لیے جاتا ہوں
پروفیسراقبال عظیم