وہ جو ایک چیز پسِ پردہء ظاہر ہے
وہ کیا ہے ؟
woh jo aik cheez pas-e-pardah-e-zahir hai
woh kya hai?
کون باطن کے نشیبوں کو کھنگالے
کہ جو باطن میں اترتے ہیں
kaun batin ke nashebon ko khangale
ke jo batin mein utarte hain
وہ واپس نہیں آنے پاتے
اور یہ چیز بلاتی ہے مجھے
woh wapis nahi anay pate
aur yeh cheez bulati hai mujhe
دِ ن کا ہنگامہ ہو یا رات کا سناٹا ہو
ایک آواز
din ka hangaama ho ya raat ka sanaata ho
aik awaaz
مسلسل
مرے کانوں سے گزر کر
musalsal
mere kaanon se guzar kar
مرے وجدان میں گھُل جاتی ہے
اور پھر گونجتا ہے میرا وجود
mere wijdaan mein ghul jati hai
aur phir goonjta hai mera wajood
کون ہے تو َ؟
کہ ترے مس میں جو حِدت ہے
kaun hai tu?
ke tere mas mein jo hiddat hai
مری روح کو کھُولاتی ہے
کون ہے تُو؟
meri rooh ko khulaati hai
kaun hai tu?
کہ مرے غرفہء باطن پہ
تری حلقہ زنی نے
ke mere ghurfa-e-batin pe
teri halqa zani ne
مجھے اک عمر سے سونے نہ دیا
کوئی احساس ہے تُو
mujhe ek umr se sone na diya
koi ehsaas hai tu
یا کوئی جذبہ ہے
کوئی وہم ہے
ya koi jazba hai
koi vehm hai
آسیب ہے
آخر کیا ہے ؟
aseb hai
aakhir kya hai?
تُو کہیں میرا یہ بے چین تجسّس تو نہیں
کہ مجھے کس نے سزا دی ہے جئے جانے کی
tu kahin mera yeh bechain tajassus to nahi
ke mujhe kis ne saza di hai jiye janay ki
اور مرنا بھی ضروری ہے تو کیوں
جبکہ خدا باقی ہے
aur marna bhi zaroori hai to kyun
jabke Khuda baqi hai
اور باقی سے فنا کی مجھے اُمید نہیں ہوسکتی
پھر پس پردہء ظاہر
aur baqi se fana ki mujhe umeed nahi ho sakti
phir pas-e-pardah-e-zahir
یہ کچوکوں کا تسلسل کیا ہے ؟
میرے اللہ !
yeh kachokon ka tasalsul kya hai?
mere Allah!
وہ کیا چیز ہے جس نے مجھ کو
روزِ اوّل سے بس اک دانہء اسپند بنا رکھا ہے
woh kya cheez hai jis ne mujh ko
roz-e-awwal se bas ek dana-e-ispand bana rakha hai
یہ کہیں تُو تو نہیں ؟
yeh kahin tu to nahi?
Share This Naat
Share with friends and family
وہ جو ایک چیز پسِ پردہء ظاہر ہے
احمد ندیم قاسمی