ہمارے یہ روز و شب عجب ہیں
کہ روزِ روشن پہ تیرگی کا گمان ہوتا ہے
hamaray yeh roz o shab ajab hain
ke roz-e-roshan pe teeragi ka gumaan hota hai
اور شبِ تیرہ کے کناروں سے
جانے کتنے ہزار خورشید جھانکتے ہیں !
aur shab-e-teerah ke kinaaron se
jaane kitne hazar khorsheed jhaankte hain!
طلوع کے سارے منظروں پر
غروب کے سائے چھا رہے ہیں !
tulu ke saare manzar-o par
ghuroob ke saaye chha rahe hain!
غروب کی سب شکستگی
اِک طلوع کے انتظار میں سانس روکے بیٹھی ہے !
ghuroob ki sab shikastagi
ik tulu ke intezaar mein sans roke baithi hai!
ساری تقویم کو تغیر کا سامنا ہے
تمام اقدار
saari taqweem ko tagayur ka saamna hai
tamam aqdar
سب روایات
اپنے سانچوں کو توڑ دینے کے ایک آشوبِ مستقل میں اسیر ہیں !
sab riwayat
apne saancho ko tor dene ke ek aashob-e-mustaqil mein aseer hain!
اور جتنے انسان زندہ ہیں ۔۔۔ دم بخود کھڑے ہیں
جو مرچکے ہیں
aur jitne insaan zinda hain... dum bakhud khaday hain
jo mar chukay hain
وہ ریگ زار ِ عدم کے ٹیلوں پہ گڑ گئے ہیں
وہ منتظر ہیں
woh reg-zaar-e-adam ke tealoon pe gada gaye hain
woh muntazar hain
کہ پتھروں سے گلاب پھوٹیں
ہواؤں میں روشنی بہے
ke patharon se gulaab phootain
hawaon mein roshni bahe
بارشوں میں موتی گریں
خزاں خوشبوئیں لٹائے !
barishon mein moti girain
khazan khushbooen lutaaye!
وہ منتظر ہیں
کہ آسمانوں کے دَر کھلیں
woh muntazar hain
ke aasmanon ke dar khulain
ان گنت فرشتے اُمڈ پڑیں
اور زمین پر سجد ہ ریز ہوتے ہی
anginat farishtay umad parain
aur zameen par sajda reez hotay hi
آسمانوں کو لَوٹ جانا ہی بھول جائیں !
تمام موسم بدل رہے ہیں
aasmanon ko laut jana hi bhool jain!
tamam mausam badal rahay hain
تمام معیار مٹ رہے ہیں
تمام افکار منقلب ہیں
tamam miar mit rahay hain
tamam afkar munqalib hain
جو سر بر آوردہ تھے
وہ سر در گریباں بیٹھے ہیں
jo sar bar aawarda thay
woh sar dar giraybaan baithay hain
اور وہ جو کہ خاک بر سر تھے
اس قدر سر بلند ہیں
aur woh jo ke khaak bar sar thay
iss qadar sar buland hain
جیسے اپنے قد سے
زمین اور آسماں کے مابین کی مسافت کو نا پتے ہیں !
jaise apne qad se
zameen aur aasman ke maabain ki masaafat ko naapte hain!
وہ آہنی در
جو نصب تھا فرش و عرش کے درمیان
woh aahini dar
jo nasb tha farsh-o-arsh ke darmiyan
آخر پگھل رہا ہے !
تقدس اور احترام کے مرکزوں سے پہرہ ہٹا ہوا ہے
aakhir pighal raha hai!
taqadus aur ehtaraam ke markazon se pehra hata huwa hai
خدا سے انساں کا ربط
سجدے سے آگے بڑھ کر
khuda se insaan ka rabt
sajday se aagy barh kar
معانقے میں بدل رہا ہے
muanqay mein badal raha hai
Share This Naat
Share with friends and family
ہمارے یہ روز و شب عجب ہیں
احمد ندیم قاسمی