وہ اُٹھ گیا کہ تکلّم تھا جن کا نعتِ رسول
وہ جن کی ذات پہ ہر دم تھا التفاتِ رسول
Woh utth gaya ke takallum tha jin ka naat-e-Rasul
Woh jin ki zaat pe har dam tha iltifaat-e-Rasul
شجر پہ ذکرِ محمد کے عند لیب تھا وہ
اور اپنے لہجہ میں اِک منفرد ادیبؔ تھا وہ
Shajar pe zikr-e-Muhammad ke andaleeb tha woh
Aur apne lehja mein ik munfarid Adeeb tha woh
لبوں پہ لفظ جو آئے وہ پھول بن کے کِھلے
چراغ جتنے جلائے وہ نعت بن کے جلے
Labon pe lafz jo aaye woh phool ban ke khile
Charagh jitne jalaye woh naat ban ke jale
لقد خلقنا الانسانَ کا جمال تھے وہ
مقامِ احسنِ تقویم کی مثال تھے وہ
Laqad khalaqna al-insan ka jamal the woh
Maqam-e-ahsan-e-taqweem ki misaal the woh
مزاج ان کا ثنا گوئی ابتدا سے تھا
نصیب ان کو نسب آلِ مصطفیٰ سے تھا
Mizaj un ka sana goi ibtida se tha
Naseeb un ko nasab Aal-e-Mustafa se tha
وہ ڈھونڈا کرتے تھے الفاظ نعت کے پیہم
اب ان کو ڈھونڈیں گے الفاظ نعت کے ہر دم
Woh dhoonda karte the alfaaz naat ke paiham
Ab un ko dhoondeinge alfaaz naat ke har dam
پہن کے عشقِ محمد کا وہ لباس گئے
خدا کے گھر سے جو نکلے ، خدا کے پاس گئے
Pehan ke ishq-e-Muhammad ka woh libaas gaye
Khuda ke ghar se jo nikle, Khuda ke paas gaye
Share This Naat
Share with friends and family
وہ اُٹھ گیا کہ تکلّم تھا جن کا نعتِ رسول
حضرت ادیب رائے پوری