وہ آگہی کا علم اُٹھائے حضورؐ آئے
وہ علم و عرفاں کا نور لائے حضورؐ آئے
Woh aagahi ka ilm uthaye huzoorؐ aaye
Woh ilm o irfaan ka noor laaye huzoorؐ aaye
فلک ستاروں کے قمقموں سے سجا ہوا تھا
زمیں کے بھاگ جگمگائے حضورؐ آئے
Falak sitaron ke qamqamoon se saja hua tha
Zameen ke bhaag jagmagaye huzoorؐ aaye
مبارکیں دیں ملائکہ اور بیبیوں نے
حبیبِ ربّ ، آمنہؓ کے جائے ، حضورؐ آئے
Mubarakein deen malaaika aur bibiyon ne
Habeeb-e-Rab, Aamnaؓ ke jaaye, huzoorؐ aaye
انہیؐ سے ریگِ عرب کے ذرے ہوئے معطر
ہوا نے نغمے خوشی کے گائے حضورؐ آئے
Inhieؐ se raig-e-Arab ke zarray huay muattar
Hawa ne naghme khushi ke gaaye huzoorؐ aaye
انہیؐ سے علم و شعور و حکمت کے پھول مہکے
جہل کے اعصاب تھر تھرائے حضورؐ آئے
Inhieؐ se ilm o shaoor o hikmat ke phool mahke
Jahl ke asaab thartharaaye huzoorؐ aaye
مسرتوں کے عظیم چشمے اُبل پڑے ہیں
مٹے غموں کے مہیب سائے حضورؐ آئے
Musarraton ke azeem chashme ubal paday hain
Mite ghamon ke moheeb saaye huzoorؐ aaye
گلی گلی مشک و عود و عنبر کی مجلسیں ہیں
چمن چمن پھول مسکرائے حضورؐ آئے
Gali gali mushk o oud o anbar ki majliseen hain
Chaman chaman phool muskuraye huzoorؐ aaye
نگر نگر ہیں درود و میلاد کی محافل
سبھی غلاموں نے گھر سجائے حضورؐ آئے
Nagar nagar hain darood o milaad ki mehfil
Sabhi ghulamon ne ghar sajaye huzoorؐ aaye
دُکھوں کے مارے کو جاکے اشفاقؔ یہ بتا دو
وہ جاکے اُن سے مراد پائے حضورؐ آئے
Dukhon ke maare ko jaake Ashfaqؔ yeh bata do
Woh jaake un se muraad paaye huzoorؐ aaye
Share This Naat
Share with friends and family
وہ آگہی کا علم اُٹھائے حضورؐ آئے
اشفاق احمد غوری