naat
وصفِ رُخ اُن کا کیا کرتے ہیں شرحِ والشمس وضُحٰے کرتے ہیں
وصفِ رُخ اُن کا کیا کرتے ہیں شرحِ والشمس وضُحٰے کرتے ہیں
اُن کی ہم مَدْح و ثنا کرتے ہیں جن کو محمود کہا کرتے ہیں
Wasf-e rukh un ka kya karte hain sharh-e walshams wa zuhaa karte hain
Un ki hum mad’h o sana karte hain jin ko Mahmood kaha karte hain
ماہِ شق گَشْتہ کی صورت دیکھو کانپ کر مہر کی رَجعت دیکھو
مصطفیٰ پیارے کی قدرت دیکھو کیسے اعجاز ہوا کرتے ہیں
Maah-e shaq gashta ki surat dekho kaanp kar mehr ki raj’at dekho
Mustafa pyare ki qudrat dekho kaise aijaaz hua karte hain
تُو ہے خورشیدِ رسالت پیارے چُھپ گئے تیری ضِیا میں تارے
اَنبیا اور ہیں سب مہ پارے تجھ سے ہی نُور لیا کرتے ہیں
Tu hai Khursheed-e Risaalat pyare chhup gaye teri ziya mein taare
Anbiya aur hain sab mah paare tujh se hi noor liya karte hain
اے بَلابے خِرَدیِ کفّار رکھتے ہیں ایسے کے حق میں اِنکار
کہ گواہی ہو گر اُس کو دَرکار بے زباں بول اُٹھا کرتے ہیں
Aye bala be khiradi-e kuffar rakhte hain aise ke haq mein inkaar
Ke gawahi ho gar us ko darkaar be zubaan bol utha karte hain
اپنے مولیٰ کی ہے بس شان عظیم جانور بھی کریں جن کی تعظیم
سنگ کرتے ہیں ادب سے تسلیم پیڑ سجدے میں گِرا کرتے ہیں
Apne Maula ki hai bas shaan azeem jaanwar bhi karein jin ki tazeem
Sang karte hain adab se tasleem paid sajde mein gira karte hain
رِفعت ذِکر ہے تیرا حصّہ دونوں عالم میں ہے تیرا چرچا
مرغِ فردَوس پس اَز حمدِ خدا تیری ہی مَدْح و ثنا کرتے ہیں
Rif’at zikr hai tera hissa dono aalam mein hai tera charcha
Murgh-e firdaus pas az hamd-e Khuda teri hi mad’h o sana karte hain
اُنگلیاں پائیں وہ پیاری پیاری جن سے دریائے کرم ہیں جاری
جوش پر آتی ہے جب غم خواری تشنے سیراب ہوا کرتے ہیں
Ungliyaan paayein woh pyari pyari jin se daryaa-e karam hain jaari
Josh par aati hai jab ghamkhwari tishna sehraab hua karte hain
ہاں یہیں کرتی ہیں چڑیاں فریاد ہاں یہیں چاہتی ہے ہرنی داد
اِسی در پر شترانِ ناشاد گلۂ رنج و عنا کرتے ہیں
Haan yahin karti hain chidiyan faryaad haan yahin chahti hai harni daad
Isi dar par shutaran-e nashaad gila-e ranj o ana karte hain
آستیں رحمتِ عالم الٹے کمرِ پاک پہ دامن باندھے
گِرنے والوں کو چَہِ دوزخ سے صاف الگ کِھینچ لیا کرتے ہیں
Aasteen rehmat-e aalam ulte kamar-e paak pe daaman baandhe
Girne walon ko chah-e dozakh se saaf alag kheencha liya karte hain
جب صبا آتی ہے طیبہ سے اِدھر کِھلکِھلا پڑتی ہیں کلیاں یکسر
پھول جامہ سے نِکل کر باہر رُخِ رنگیں کی ثنا کرتے ہیں
Jab saba aati hai Tayba se idhar khilkhlila padti hain kaliyan yak-sar
Phool jaama se nikal kar baahar rukh-e rangeen ki sana karte hain
تُو ہے وہ بادشہ کون و مکاں کہ ملک ہفت فلک کے ہرآں
تیرے مولیٰ سے شہِ عرش ایواں تیری دولت کی دُعا کرتے ہیں
Tu hai woh baadshah-e kaun o makaan ke malik haft falak ke haraan
Tere Maula se shah-e arsh aiwaan teri daulat ki dua karte hain
جس کے جلوے سے اُحد ہے تاباں معدنِ نور ہے اس کا داماں
ہم بھی اس چاند پہ ہو کر قرباں دلِ سنگیں کی جِلا کرتے ہیں
Jis ke jalwe se Uhud hai taabaan madan-e noor hai us ka daaman
Hum bhi us chaand pe ho kar qurbaan dil-e sangeen ki jila karte hain
کیوں نہ زیبا ہو تجھے تا جوری تیرے ہی دم کی ہے سب جلوہ گری
ملک و جن و بشر حور و پری جان سب تجھ پہ فدا کرتے ہیں
Kyun na zaiba ho tujhe taajori tere hi dam ki hai sab jalwagari
Malak o jinn o bashar hoor o pari jaan sab tujh pe fida karte hain
ٹُوٹ پڑتی ہیں بلائیں جن پر جن کو ملتا نہیں کوئی یاور
ہر طرف سے وہ پُر ارماں پھر کر اُن کے دامن میں چھپا کرتے ہیں
Toot padti hain balaayein jin par jin ko milta nahi koi yaawar
Har taraf se woh pur armaañ phir kar un ke daaman mein chhupa karte hain
لب پر آجاتا ہے جب نامِ جناب منھ میں گُھل جاتا ہے شہدِ نایاب
وجد میں ہو کے ہم اے جاں بیتاب اپنے لب چُوم لیا کرتے ہیں
Lab pe aa jaata hai jab naam-e janaab munh mein ghul jaata hai shehad-e naayaab
Wajd mein ho ke hum aye jaan betaab apne lab choom liya karte hain
لب پہ کس منہ سے غمِ الفت لائیں کیا بلا دِل ہے الم جس کا سنائیں
ہم تو ان کے کفِ پا پر مٹ جائیں اُن کے دَرپر جو مٹا کرتے ہیں
Lab pe kis munh se gham-e ulfat laayein kya bala dil hai alam jis ka sunaayein
Hum to un ke kaf-e paa par mit jaayein un ke dar par jo mita karte hain
اپنے دِل کا ہے اُنہیں سے آرام سونپے ہیں اپنے اُنہیں کو سَب کام
لو لگی ہے کہ اب اس دَر کے غلام چارۂ دردِ رضا کرتے ہیں
Apne dil ka hai unhi se aaraam sonpe hain apne unhi ko sab kaam
Lau lagi hai ke ab is dar ke ghulaam chaara-e dard-e Raza karte hain
Share This Naat
Share with friends and family
وصفِ رُخ اُن کا کیا کرتے ہیں شرحِ والشمس وضُحٰے کرتے ہیں
احمد رضا خان بریلوی