اُن کی سیرت سے آگہی ہوگی
دل کی دنیا میں روشنی ہوگی
Un ki seerat se aagahi hogi
Dil ki duniya mein roshni hogi
دل کا دامن درود سے بھرلو
وادیِ جاں ہری بھری ہوگی
Dil ka daaman darood se bharlo
Waadi-e-jaan hari bhari hogi
ربط قائم رہے درودوں سے
ان کی ہر لمحہ رہبری ہوگی
Rabt qaim rahe daroodon se
Un ki har lamha rehberi hogi
پہلے اُن کو بنا حبیب اپنا
پھر تری رب سے دوستی ہوگی
Pehle un ko bana habib apna
Phir teri Rab se dosti hogi
باثمر جو ملے گا اُس در کا
اُس کے اندر تو عاجزی ہوگی
Ba-samar jo mile ga us dar ka
Us ke andar to aajzi hogi
انکی عظمت اگر نہ مانے کوئی
انکی عظمت میں کیا کمی ہوگی
Unki azmat agar na mane koi
Unki azmat mein kya kami hogi
فکر بس اُن کو ہے وہاں تیرا
اپنی اپنی جہاں پڑی ہوگی
Fikr bas un ko hai wahan tera
Apni apni jahan pari hogi
رب کی رحمت شکیلؔ برسے گی
جہاں سنت کی پیروی ہوگی
Rab ki rehmat Shakeel barse gi
Jahan sunnat ki pairwi hogi
Share This Naat
Share with friends and family
اُن کی سیرت سے آگہی ہوگی
محمد شکیل نقشبندی