امّت کا ربط سیّدِ خیر الوریٰ سے ہے
امّیدِ مغفرت اسے ربِّ علا سے ہے
ummat ka rabt Syed-e-Khair ul Wara se hai
ummeed-e-magfirat use Rab-e-Ala se hai
فکرِ رسا سے اور نہ طرزِ نوا سے ہے
اوجِ ثنا حضورؐ کی چشمِ عطا سے ہے
fikar-e-rasa se aur na tarz-e-na'wa se hai
oj-e-sana Huzoorؐ ki chashm-e-ata se hai
شہرِ نبیؐ ہے مصدرِ فصلِ بہارِ نو
یہ رنگ و بوئے گل اسی گلشن فزا سے ہے؎
sheher-e-Nabiؐ hai masdar-e-fasl-e-bahar-e-nau
ye rang o booy-e-gul isi gulshan fizaa se hai؎
صد رشکِ آسمان ہوں ، رشکِ ارم ہوں میں
دعویٰ زمینِ طیبہ کا کچھ اس ادا سے ہے
sad rashk-e-aasman hoon, rashk-e-eram hoon mai
dawa zameen-e-Taiba ka kuch is ada se hai
منزل سے ہمکنار کرے گا مجھے ضرور
جو ربطِ خاص مجھ کو ترے نقشِ پا سے ہے
manzil se hamkinar kare ga mujhe zarur
jo rabt-e-khas mujh ko tere naqsh-e-pa se hai
جس نے سہارا پا لیا عشقِ رسولؐ کا
تکیہ اسے جو ہے تو درِ مصطفیٰؐ سے ہے
jis ne sahara paa liya ishq-e-Rasoolؐ ka
takiya use jo hai to dar-e-Mustafaؐ se hai
نورِ رسولِؐ ہاشمی نورِ خدا سے ہے
’’سارے جہاں کا حسن دمِ مصطفیٰؐ سے ہے‘‘
noor-e-Rasool-eؐ-Hashmi noor-e-Khuda se hai
''saare jahan ka husn dam-e-Mustafaؐ se hai''
ہے بیتِ پنجتن کی ضیا سب جہان میں
حسنینؓ، زہراؓ، مصطفیٰؐ اور مرتضیٰؓ سے ہے
hai bait-e-Panjtan ki zia sab jahan mein
Hasnainؓ, Zahraؓ, Mustafaؐ aur Murtazaؓ se hai
دور اشتہا و تشنگی ہو انؐ کی دید سے
اظہار مدّعا کا مرے ہر دعا سے ہے
door ishtaha o tishna gi ho unؐ ki deed se
izhar mad-d'ua ka mere har dua se hai
دل میں خیال آئے خدا قبلہ پھیر دے
تقدیسِ قبلتین رخِ والضحیٰ سے ہے
dil mein khayal aaye Khuda qibla pheer de
taqdis-e-qiblatein rukh-e-waz-duha se hai
الحمد ہم ہیں تلخیِ دوراں سے بے نیاز
صد شکر اپنا واسطہ مشکل کشا سے ہے
alhamd hum hain talkhi-e-dorhan se be-niaz
sad shukar apna wasta mushkil kusha se hai
طاہرؔ ہے ناز آفریں رحمت حضورؐ کی
بے خوف جس نے دل کیا روزِ جزا سے ہے
Tahirؔ hai naaz-afrin rehmat-e-Huzoorؐ ki
be-khauf jis ne dil kiya roz-e-jaza se hai
Share This Naat
Share with friends and family
امّت کا ربط سیّدِ خیر الوریٰ سے ہے
پروفیسر محمد طاہر صدیقی