تمہارے مقدَّر پہ رشک آ رہا ہے
مدینے کا تم کو بُلاوا ملا ہے
tumhare muqaddar pe rashk aa raha hai
madine ka tum ko bulaawa mila hai
خدا اور نبی کا کرم ہو گیا ہے
سفر سوئے طیبہ مِری آل کا ہے
khuda aur nabi ka karam ho gaya hai
safar soye tayyaba miri aali ka hai
سبھی بچّیوں کے بَہمراہ ماں باپ
چلا حج کو ننّھا سا یہ قافلہ ہے
sabhi bacchiyon ke bahamrah maa baap
chala haj ko nanna sa ye qafila hai
خدائے محمد ہو حامی و ناصر
سفر خیریت سے ہو میری دعا ہے
khudae muhammad ho haami o nasir
safar khairiyat se ho meri dua hai
زُبان اور آنکھوں کا قفلِ مدینہ
لگا لو تمہارا اِسی میں بھلا ہے
zubaan aur aankhon ka qafl-e-madina
laga lo tumhara isi mein bhala hai
تم اِحرام میں خوب لبیک پڑھنا
ثواب اس میں لا ریب حد سے سوا ہے
tum iḥram mein khoob labbaik parhna
sawab is mein la reib had se sawa hai
حجازِ مقدّس کی گلیوں میں ہر گز
نہ تم تُھوکنا یہ مِری التجا ہے
hijaz-e-muqaddas ki galiyon mein har giz
na tum thookna ye meri iltija hai
ادب خوب مکّے مدینے کا کرنا
یہی اولیا کا طریقہ رہا ہے
adab khoob makke madine ka karna
yahi auliya ka tariqa raha hai
جو ہے باادب وہ بڑا بانصیب اور
جو ہے بے ادب وہ نہایت بُرا ہے
jo hai baadab woh bara banasib aur
jo hai be adab woh nihayat bura hai
نظر پیارے کعبے پہ پہلی پڑے جب
تو رو رو کے کرنا دعا مشورہ ہے
nazar pyare kaabe pe pehli pare jab
to ro ro ke karna dua mashwara hai
وہاں خوب رو رو کے کرنا دُعائیں
کہ در ہر گھڑی رحمتوں کا کھلا ہے
wahan khoob ro ro ke karna duaein
ke dar har ghadi rehmaton ka khula hai
نظر سبز گنبد کو جس وقت چُومے
ادب سے جھکا لینا سر اِلتجا ہے
nazar sabz gunbad ko jis waqt choome
adab se jhuka lena sar iltija hai
دُرُود و سلام اورنعتوں کی دھومیں
مچانا کہ یہ رُوح و دل کی غِذا ہے
durood o salaam aur naon ki dhoomein
machana ke ye ruh o dil ki ghiza hai
عبادت ریاضت تلاوت سے غفلت
نہ کرنا کہ موقَع سُنہری مِلا ہے
ibadat riyazat tilawat se ghaflat
na karna ke moqa sunheri mila hai
مدینے میں مکّے میں اِک ایک قراٰں
جو کرتا ہے ختم اُس کی تو بات کیا ہے!
madine mein makke mein ik aik quraan
jo karta hai khatam us ki to baat kya hai!
خریداریوں میں تم انمول اوقات
نہ ہرگز گنوانا مِرا مشورہ ہے
khareedariyon mein tum anmol auqat
na har giz gunwana mera mashwara hai
بَہُت کھانے پینے سے پرہیز کرنا
کہ بِسیار خوری میں نقصاں بڑا ہے
bahut khane peene se parhez karna
ke bisyar khori mein nuqsan bara hai
پریشانیوں میں زُباں بند رکھنا
کئے جانا صَبْر اَجْر اس میں بڑا ہے
pareshaniyon mein zubaan band rakhna
kiye jana sabr ajr is mein bara hai
کوئی جھاڑ دے تب بھی نرمی بَرَتنا
کئے جانا صَبْر اَجر اِس میں بڑا ہے
koi jhaar de tab bhi narami baratna
kiye jana sabr ajr is mein bara hai
گو آفات و اَمراض ڈیرا جمائیں
کئے جانا صَبْر اَجْر اِس میں بڑا ہے
go aafaat o amraaz dera jamaayen
kiye jana sabr ajr is mein bara hai
طواف و سعی گرچِہ تم کو تھکا دیں
کئے جانا صَبْر اَجْر اِس میں بڑا ہے
tawaf o sa'ee garchih tum ko thaka dein
kiye jana sabr ajr is mein bara hai
مِنیٰ اور عَرفات میں بھیڑ ہو گی
کئے جانا صَبْر اَجْر اِس میں بڑا ہے
minaa aur arafat mein bheed ho gi
kiye jana sabr ajr is mein bara hai
دعاؤں میں عطاّرؔ کو یاد رکھنا
سلام اُن سے کہنا یِہی اِلتجا ہے
duaon mein attar ko yaad rakhna
salaam un se kehna yehi iltija hai
Share This Naat
Share with friends and family
تمہارے مقدَّر پہ رشک آ رہا ہے
الیاس عطار قادری