تجھے مِل گئی اک خدائی حلیمہ
کہ ہے گود میں مُصطفائی حلیمہ
Tujhe mil gayi ek khudai haleema
Ke hai god mein mustafai haleema
یہ کیا کم ہے تیری بڑائی حلیمہ
زمانے کے لب پر ہے " مائی حلیمہ "
Ye kiya kam hai teri barai haleema
Zamane ke lab par hai "mai haleema"
بہت لوریاں دِیں مہِ آمنہؒ کو
کہاں تک ہے تیری رسائی حلیمہ
Bohat loriyaan di mahe amna ko
Kahan tak hai teri rasai haleema
جو ہے آخری ایک شہکارِ قدرت
وہ صورت ترے گھر میں آئی حلیمہ
Jo hai aakhri ek shahkar-e-qudrat
Woh soorat tere ghar mein ayi haleema
لیا گود میں جب شفیعؐ الورٰی کو
بڑے فخر سے مُسکرائی حلیمہ
Liya god mein jab shafi'ulwara ko
Baday fakhr se muskurai haleema
رسوؐلِ خدا اور آغوش اُس کی
وہ خدمت کے لمحے ، وہ دائی حلیمہ
Rasool-e-khuda aur aagosh us ki
Woh khidmat ke lamhe, woh dai haleema
دو عالَم کی دولت مجھے مِل گئی ہے
اُنہیں لے کے یہ گُنگُنائی حلیمہ
Do aalam ki daulat mujhe mil gayi hai
Unhein le ke yeh gungunai haleema
وہ نعمت جو تجھ کو عطا کی خدا نے
کسی اور نے کب وہ پائی حلیمہ
Woh naimat jo tujhe ata ki khuda ne
Kisi aur ne kab woh pai haleema
اُسے اپنی آغوش میں تُو لیے ہے
کہ شاہی ہے ، جس کی گدائی حلیمہ !
Use apni aagosh mein tu liye hai
Ke shahi hai, jis ki gaddai haleema!
وہ عظمت مِلی ہے کہ اللہ اکبر
مقدّر کی تیرے دہائی حلیمہ!
Woh azmat mili hai ke Allahu Akbar
Muqaddar ki tere dahai haleema!
اِسی کی ضیاؤں سے جگمگ ہے عالَم
مبارَک مہِ مُصطفائی حلیمہ !
Isi ki ziyaon se jagmag hai alam
Mubarak mahe mustafai haleema!
نصیؔر اپنی قسمت پہ نازاں ہو، جس دَم
مِلے تیرے در کی گدائی حلیمہ
Naseer apni kismat pe nazaan ho, jis dam
Mile tere dar ki gaddai haleema
Share This Naat
Share with friends and family
تجھے مِل گئی اک خدائی حلیمہ
سید نصیرالدیں نصیر