تُو ہر غم کا دافِع اے مَرفوع و رافِع !
عَذابوں سے مانِع اے مَرفوع و رافِع !
Tu har gham ka daf'i aay marfoo wo raafi!
Azaabon se maan'i aay marfoo wo raafi!
بَہ فکرِ ثنا سو نہ پاؤں تو سمجھوں
ہے بیدار طالِع اے مَرفوع و رافع !
Bah fikr-e-sana so na paaoon to samjhoon
Hai bedaar taali' aay marfoo wo raafi!
رَفَعنا سے مَرفوع ہے ذکر تیرا
گِروں کا تو رافع اے مَرفوع و رافع !
Rafa'na se marfoo hai zikr tera
Giroon ka tu raafi aay marfoo wo raafi!
خسارے ہیں تیری دُکاں پر مُبَدّل
بَہ شکلِ مَنافِع اے مرفوع و رافع !
Khasaray hain teri dukaan par mubaddal
Bah shakl-e-manafi' aay marfoo wo raafi!
عدو کیا بگاڑے کہ جب ربِّ قادر
ہے تیرا مُدافِع اے مرفوع و رافع !
Adu kya bigaray ke jab Rabb-e-Qadir
Hai tera mudaafi' aay marfoo wo raafi!
تو ہے مَقطعِ نظمِ وحی و رسالت
تو جانِ مَطالِع اے مرفوع و رافع !
Tu hai maqta' nazm-e-wahee wo risalat
Tu jaan-e-mataali' aay marfoo wo raafi!
تُو مَتبوعِ مُطلق ہے ایسا کہ تیرے
رُسُل بھی ہیں تَابع اے مرفوع و رافع !
Tu matboo' mutlaq hai aisa ke tere
Rasul bhi hain taabi' aay marfoo wo raafi!
تِری سمت راجع ہیں اے مرجعِ کُل
مَآخِذ ، مَراجع اے مرفوع و رافع !
Tiri simt raaji' hain aay marja' kul
Maakhiz, maraji' aay marfoo wo raafi!
ہوں جارِ گنہ سے میں مَجرور لیکن
تِرا عَفو رافِع اے مرفوع و رافع !
Hoon jaar-e-gunah se mein majroor lekin
Tera 'afo raafi' aay marfoo wo raafi!
تجھے سجدہ ہوتا ، مگر شرع تیری
ہے سَدِّ ذرائِع اے مرفوع و رافع !
Tujhe sajda hota, magar shari' teri
Hai sadd-e-zaraayi' aay marfoo wo raafi!
اے جانِ مسیحا ! تِری رہ کا ذرّہ
مریضوں کا نافع اے مرفوع وہ رافع !
Aay jaan-e-Masihah! Tiri rah ka zarrah
Mareezon ka naafi' aay marfoo woh raafi!
حسین ایسا تجھ کو بنایا کہ خود ہے
مُحِب تیرا صانِع اے مرفوع و رافع !
Haseen aisa tujhe banaya ke khud hai
Muhib tera saani' aay marfoo wo raafi!
شفیعِ معَظّم لقب ، یعنی تُو ہے
معظمؔ کا شافِع اے مَرفوع و رافع !
Shafi' mu'azzam laqab, yaani tu hai
Muazzam ka shafi' aay marfoo wo raafi!
Share This Naat
Share with friends and family
تُو ہر غم کا دافِع اے مَرفوع و رافِع
معظم سدا معظم مدنی