سارے عالم کی تمنا شہِ مکّی مدنی
میرے بھی دل کا سہارا شہِ مکّی مدنی
Saare Aalam ki tamanna shah-e-Makki Madani
Mere bhi dil ka sahara shah-e-Makki Madani
ہے یہی ایک تمنّا شہِ مکّی مدنی
ہم نے دیکھا نہیں بطحا شہِ مکّی مدنی
Hai yehi ek tamanna shah-e-Makki Madani
Hum ne dekha nahi Bat'ha shah-e-Makki Madani
ہر گھڑی رہتا ہوں میں مضطر دیدِ طیبہ
لُٹ چکی ہے مری دُنیا شہِ مکّی مدنی
Har ghari rehta hoon main muztar deed-e-Taybah
Lut chuki hai meri duniya shah-e-Makki Madani
بے نوا ہوں میں خدارا مرا کاسہ بھر دے
شاہِ عالم شہِ والا شہِ مکّی مدنی
Be-nawa hoon main Khudara mera kasa bhar de
Shah-e-Aalam shah-e-wala shah-e-Makki Madani
یہ مری زیست مری جاں مری عزت مرا علم
ہے ترے نام کا صدقہ شہِ مکّی مدنی
Ye meri zist meri jaan meri izzat mera ilm
Hai tere naam ka sadqa shah-e-Makki Madani
یہ مہ و انجم و خورشید بھلا کیا شے ہیں
آپ ہی سے ہے اُجالا شہِ مکی مدنی
Ye mah o anjum o khursheed bhala kya shai hain
Aap hi se hai ujala shah-e-Makki Madani
ابھی کردے گا سفینہ مرا ساحل کے قریں
ایک ادنیٰ سا اشارہ شہِ مکی مدنی
Abhi karde ga safina mera sahil ke qareen
Ek adna sa ishara shah-e-Makki Madani
رات دن رکھتی ہے بہزؔاد کو مہجور و تپاں
یہ تمنائے مدینہ شہِ مکّی مدنی
Raat din rakhti hai Behzad ko mahjur o tapaan
Ye tamanna-e-Madina shah-e-Makki Madani
Share This Naat
Share with friends and family
سارے عالم کی تمنا شہِ مکّی مدنی
بہزاد لکھنوی