طور نے تو خوب دیکھا جلوۂ شانِ جمال
اس طرف بھی اِک نظر اے برقِ تابانِ جمال
Tor ne to khub dekha jalwa-e-shan-e-jamaal
Is taraf bhi ik nazar aye barq-e-taaban-e-jamaal
اِک نظر بے پردَہ ہو جائے جو لمعانِ جمال
مردُمِ دِیدہ کی آنکھوں پر جو احسانِ جمال
Ik nazar be pardah ho jaye jo lam'aan-e-jamaal
Mardum-e-deeda ki aankhon par jo ehsan-e-jamaal
چل گیا جس راہ میں سروِ خرامانِ جمال
نقش پا سے کھل گئے لاکھوں گلستانِ جمال
Chal gaya jis raah mein sarv-e-kharaaman-e-jamaal
Naqsh pa se khul gaye lakhon gulistan-e-jamaal
ہے شب غم اور گرفتارانِ ہجرانِ جمال
مہر کر ذَرّوں پہ اے خورشیدِ تابانِ جمال
Hai shab-e-gham aur giriftaran-e-hijraan-e-jamaal
Mehr kar zarron pe aye khurshid-e-taaban-e-jamaal
کر گیا آخر لباسِ لالہ و گل میں ظہور
خاک میں ملتا نہیں خونِ شہیدانِ جمال
Kar gaya aakhir libaas-e-lala o gul mein zahoor
Khaak mein milta nahi khoon-e-shuhadan-e-jamaal
ذَرَّہ ذَرَّہ خاک کا ہو جائے گا خورشید حشر
قبر میں لے جائیں گے عاشق جو اَرمانِ جمال
Zarra zarra khaak ka ho jaye ga khurshid hashr
Qabr mein le jayenge aashiq jo armaan-e-jamaal
ہوگیا شاداب عالم آگئی فصل بہار
اُٹھ گیا پردَہ کھلا بابِ گلستانِ جمال
Ho gaya shaadaab aalam aagai fasl-e-bahaar
Ut uth gaya pardah khula bab-e-gulistan-e-jamaal
جلوۂ موئے محاسن چہرۂ اَنور کے گرد
آبنوسی رحل پر رکھا ہے قرآنِ جمال
Jalwa-e-mo-e-muhasin chehra-e-anwar ke gird
Aabnosi rahl par rakha hai Quran-e-jamaal
اس کے جلوے سے نہ کیوں کافور ہوں ظلماتِ کفر
پیش گاہِ نور سے آیا ہے فرمانِ جمال
Is ke jalwe se na kyun kafoor hon zulmaat-e-kufr
Pesh gah-e-noor se aaya hai farmaan-e-jamaal
کیا کہوں کتنا ہے ان کی رہ گزر میں جوشِ حسن
آشکارا ذَرَّہ ذَرَّہ سے ہے میدانِ جمال
Kya kahun kitna hai un ki rah guzr mein josh-e-husn
Aashkara zarra zarra se hai maidan-e-jamaal
ذَرَّۂ دَر سے تِرے ہمسر ہوں کیا مہر و قمر
یہ ہے سلطانِ جمال اور وہ گدایانِ جمال
Zarra-e-dar se tire humsar hon kya mehr o qamar
Yah hai sultan-e-jamaal aur woh gadayaan-e-jamaal
کیا مزے کی زندگی ہے زندگی عشاق کی
آنکھیں ان کی جستجو میں دِل میں ارمانِ جمال
Kya maze ki zindagi hai zindagi aashiqaan ki
Aankhein un ki justuju mein dil mein armaan-e-jamaal
رُو سیاہی نے شب دِیجور کو شرما دیا
مونھ اُجالا کر دے اے خورشیدِ تابانِ جمال
Ru siyaahi ne shab deejur ko sharma diya
Mooh ujala kar de aye khurshid-e-taaban-e-jamaal
اَبروئے پُر خم سے پیدا ہے ہلالِ ماہِ عید
مطلعِ عارِض سے روشن بدرِ تابانِ جمال
Abroo-e-pur kham se paida hai hilal-e-mah-e-eid
Matla-e-aariz se roshan badr-e-taaban-e-jamaal
دل کشیٔ حُسنِ جاناں کا ہو کیا عالم بیاں
دل فدائے آئنہ آئینہ قربانِ جمال
Dil kashi-e-husn-e-jaan un ka ho kya aalam bayan
Dil fadaaye aaina aaina qurbaan-e-jamaal
پیشِ یوسف ہاتھ کاٹے ہیں زَنانِ مصر نے
تیری خاطر سر کٹا بیٹھے فدایانِ جمال
Pesh-e-Yusuf haath kaate hain zanana-e-Misr ne
Teri khatir sar kata baithe fadayaan-e-jamaal
تیرے ذَرَّہ پر شب غم کی جفائیں تابکے
نور کا تڑکا دکھا اے مہر تابانِ جمال
Tere zarra par shab-e-gham ki jafayein tabke
Noor ka tarka dikha aye mehr tabaan-e-jamaal
اتنی مدت تک ہو دید َمصحفِ عارِض نصیب
حفظ کر لوں ناظرہ پڑھ پڑھ کے قرآنِ جمال
Itni muddat tak ho deed-e-mushaf-e-aariz naseeb
Hifz kar loon nazara parh parh ke Quran-e-jamaal
یا خدا دل کی گلی سے کون گزرا ہے کہ آج
ذَرَّہ ذَرَّہ سے ہے طالع مہر تابانِ جمال
Ya Khuda dil ki gali se kaun guzra hai ke aaj
Zarra zarra se hai taa’la mehr tabaan-e-jamaal
اُن کے دَر پر اِس قدر بٹتا ہے باڑہ نور کا
جھولیاں بھر بھر کے لاتے ہیں گدایانِ جمال
Un ke dar par is qadar bat'ta hai baara noor ka
Jhooliyan bhar bhar ke late hain gadayaan-e-jamaal
نور کی بارش حسنؔ پر ہو ترے دیدار سے
دِل سے دُھل جائے الٰہی داغِ حرمانِ جمال
Noor ki barish Hasan par ho tere deedaar se
Dil se dhul jaye ilahi daagh-e-hermaan-e-jamaal
Share This Naat
Share with friends and family
طور نے تو خوب دیکھا جلوۂ شانِ جمال
حسن رضا خان