بے مثل ہے سماعتِ آقائے دو جہاں
سن لیں وہاں سلام جو بھیجیں یہاں سے ہم
Bay misl hai sama't-e aaqaye do jahan
Sun lain wahan salam jo bhejain yahan se hum
ہاتھ جب بھی دعا کے اٹھائیں گے ہم
مصطفےٰ کو وسیلہ بنائیں گے ہم
Haath jab bhi dua ke uthain ge hum
Mustafa ko wasila banain ge hum
جب نبی کو وسیلہ بنائیں گے ہم
دل میں جتنی مرادیں ہیں پائیں گے ہم
Jab Nabi ko wasila banain ge hum
Dil mein jitni muraden hain pain ge hum
سب گناہوں کو اپنے بہائیں گے ہم
آنسوؤں کو مصلےٰ بنائیں گے ہم
Sab gunahon ko apne bahain ge hum
Aansoo'on ko masalla banain ge hum
داغِ عشقِ نبی لے کے جائیں گے ہم
قبر کو اپنی یوں جگمگائیں گے ہم
Daag-e ishq-e Nabi le ke jain ge hum
Qabr ko apni yun jagmagain ge hum
پھر جو قسمت سے طیبہ کو جائیں گے ہم
اُن کی نعتیں انہی کو سنائیں گے ہم
Phir jo qismat se Taybah ko jain ge hum
Un ki naaten unhi ko sunain ge hum
اذنِ شاہِ مدینہ کے ہیں منتظر
وہ بلائیں مدینہ تو جائیں گے ہم
Izn-e Shah-e Madina ke hain muntazir
Wo bulain Madina to jain ge hum
دیکھ کر روضۂِ شاہ کی جالیاں
محترم اپنی آنکھیں بنائیں گے ہم
Dekh kar roza-e Shah ki jaalian
Muhtaram apni aankhein banain ge hum
حشر میں ہوگی جب آمدِ مصطفےٰ
گیت اُن کی محبت کے گائیں گے ہم
Hashr mein hogi jab amad-e Mustafa
Geet un ki mohabbat ke gaain ge hum
نعت کے آسماں پر شفیقؔ آج پھر
اک درخشندہ سورج اگائیں گے ہم
Naat ke aasmaan par Shafiq aaj phir
Ek darkhshanda sooraj ugain ge hum
Share This Naat
Share with friends and family
بے مثل ہے سماعتِ آقائے دو جہاں
شفیق ؔ رائے پوری