ترے در توں جدا ہوواں کدی نہ یا رسول اللہ
سدا وسدا رہوے تیرا مدینہ یا رسول اللہ
Tere dar toon juda hovaan kadi na ya Rasool Allah
Sada wasda rahwe tera Madeena ya Rasool Allah
گنہگاراں نوں ملدی اے پناہ آغوش رحمت دی
لگے جد جالیاں دے نال سینہ یا رسول اللہ
Gunhagaraan noon mildi ae panaah aaghosh rehmat di
Lage jad jaaliyan de naal seena ya Rasool Allah
گیاں نے بھل پھلاں نوں وی اتھے اپنیاں ہوشاں
جدوں دا مہکیا تیرا پسینہ یا رسول اللہ
Gaiyaan ne bhal phalaan noon vi othe apniaan hoshaan
Jadon da mehakeya tera paseena ya Rasool Allah
اوہ مندری دل دی چمکے گی ہنیرے وچہ جدھے اندر
محبت تیری دا جڑیا نگینہ یا رسول اللہ
Oh mandri dil di chamke gi heneere wiche jadhe andar
Mohabbat teri da jariya nageena ya Rasool Allah
ترے سوہنے مدینے وچ گزریا جو مرے آقا
اوہ ساری عمر دا حاصل مہینہ یا رسول اللہ
Tere sohne Madeene vich guzriya jo mere Aaqa
Oh sari umar da hasil maheena ya Rasool Allah
بڑے روون گے ایہہ جاروب کش تیرے دوارے تے
صفائی لئی جے آ گئیاں مشیناں یا رسول اللہ
Bade rowan ge eh jaaroob kash tere doare te
Safai laii je aa geiiaan masheenaan ya Rasool Allah
ظہوریؔ دا وی دل جھکیا اے آ کے اوس چوکھٹ تے
جتھے قدسی جھکاندے نیں جبیناں یا رسول اللہ
Zahooree da vi dil jhakiya ae aa ke os chaukhat te
Jithe kudsi jhakaande ne jabeenaan ya Rasool Allah
Share This Naat
Share with friends and family
ترے در توں جدا ہوواں کدی نہ یا رسول اللہ
محمد علی ظہوری