تیری ہی ذات اے خدا اصلِ وجُودِ دوسرا
تیرے ہی نور کی جھَلک غازۂ رُوئے ما سوَا
Teri hi zaat ae Khuda asal-e-wajood-e-dosra
Tere hi noor ki jhalak ghaazah-e-rooye ma sawa
تیرے ہی نُور سے مِلی فکر و نظر کی روشنی
تیرے ہی نور کی تو ہے شمس و قمر میں بھی ضیا
Tere hi noor se mili fikr o nazar ki roshni
Tere hi noor ki tu hai shams o qamar mein bhi zia
خالقِ دو جہاں بھی تو رازقِ دو جہاں بھی تو
تیرے کَرم سے مستفیض میر و فقیر و انبیا
Khaaliq-e-do jahan bhi tu raaziq-e-do jahan bhi tu
Tere karam se mustafeed mir o faqeer o anbiya
دونوں جہاں کی نعمتیں ہیں ترے ہاتھ میں سبھی
تیرے ہی در سے جو مِلا جتنا مِلا جسے مِلا !
Dono jahan ki nematein hain tere haath mein sabhi
Tere hi dar se jo mila jitna mila jise mila!
ارض و سما و بحر و بر سب میں ہے تو ہی جلوہ گر
تیرا ہی ذِکر کُو بہ کُو خانہ بخانہ جا بہ جا
Arz o sama o bahr o bar sab mein hai tu hi jalwah gar
Tera hi zikr koo ba koo khana bakhana ja ba ja
حمد تری کرے بیاں اعظؔم بے نوا تو کیا
جب کہ تو بے مثال ہے اور کیف و کم سے ہے وَرا
Hamd teri kare bayan Aazim be nawa to kya
Jab ke tu be misaal hai aur kaif o kam se hai wara
Share This Naat
Share with friends and family
تیری ہی ذات اے خدا اصلِ وجُودِ دوسرا
محمد اعظم چشتی