Manqabat
تیرے جد کی ہے بارہویں غوثِ اعظم
تیرے جد کی ہے بارہویں غوثِ اعظم
ملی ہے تجھے گیارہویں غوثِ اعظم
Tere jad ki hai barahwin Ghous-e-Azam
Mili hai tujhe giyrahwin Ghous-e-Azam
کوئی ان کے رُتبہ کو کیا جانتا ہے
محمد کے ہیں جانشیں غوثِ اعظم
Koi un ke rutba ko kya jaanta hai
Muhammad ke hain janashin Ghous-e-Azam
تو ہے نور و آئینۂ مصطفائی
نہیں کوئی تجھ سا حسیں غوثِ اعظم
Tu hai noor o aayina-e-Mustafai
Nahi koi tujh sa haseen Ghous-e-Azam
ہوئے اَولیا ذی شرف گرچہ لاکھوں
مگر سب سے ہیں بہتریں غوثِ اعظم
Hue auliya zi sharf garche laakhon
Magar sab se hain behtareen Ghous-e-Azam
جہاں اَولیا کرتے ہیں جبہ سائی
وہ بغداد کی ہے زمیں غوثِ اعظم
Jahan auliya karte hain jaba saai
Woh Bagdad ki hai zameen Ghous-e-Azam
ترے روضۂ پاک کے دیکھنے کو
تڑپتا ہے قلب حزیں غوثِ اعظم
Tere roza-e-pak ke dekhne ko
Tadapta hai qalb hazein Ghous-e-Azam
مجھے بھی بلالو خدارا کہ میں بھی
گھسوں آستاں پر جبیں غوثِ اعظم
Mujhe bhi bilalo khudara ke mai bhi
Ghusun aastan par jabin Ghous-e-Azam
مرے قلب کا حال کیا پوچھتے ہو
یہ دل ہے مکاں اور مکیں غوثِ اعظم
Mere qalb ka hal kya poochte ho
Yeh dil hai makaan aur makeen Ghous-e-Azam
جو اہل نظر ہیں وہی جانتے ہیں
کہ ہر دم ہیں سب سے قریں غوثِ اعظم
Jo ahl nazar hain wohi jaante hain
Ke har dam hain sab se qareen Ghous-e-Azam
ہماری بھی لِلّٰہِ بگڑی بنا دو
غلاموں کے تم ہو مُعِیں غوثِ اعظم
Humari bhi lillah bigri bana do
Ghulamon ke tum ho mu'in Ghous-e-Azam
ہیں گھیرے ہوئے چار جانب سے دشمن
خدارا بچا میرا دِیں غوثِ اعظم
Hain ghere hue chaar janib se dushman
Khudara bacha mera deen Ghous-e-Azam
چھپالے مجھے اپنے دامن کے نیچے
کہ غم کی گھٹائیں اُٹھیں غوثِ اعظم
Chhupale mujhe apne daaman ke neeche
Ke gham ki ghataain uthin Ghous-e-Azam
وہ ہے کون سا ان کے در کا بھکاری
مددگار جس کے نہیں غوثِ اعظم
Woh hai kaun sa un ke dar ka bhikaari
Madadgar jis ke nahi Ghous-e-Azam
حسین و حسن کی تو آنکھوں کا تارا
وہ خاتم ہیں اور تو نگیں غوثِ اعظم
Hussain o Hasan ki to aankhon ka taara
Woh khatam hain aur tu nageen Ghous-e-Azam
حکومت تری نافذہ ہے کہ حق نے
تجھے دی ہے فتح مُبِیں غوثِ اعظم
Hukoomat teri naafeza hai ke Haq ne
Tujhe di hai fath-e-mubin Ghous-e-Azam
تجھے سب نے جانا تجھے سب نے مانا
تری سب میں دُھومیں مچیں غوثِ اعظم
Tujhe sab ne jaana tujhe sab ne maana
Teri sab mein dhoomen machin Ghous-e-Azam
تو وہ ہے ترے پاک تلوے کے آگے
کھنچی گردنیں جھک گئیں غوثِ اعظم
Tu woh hai tere pak talve ke aage
Khanchi gardanain jhuk gayin Ghous-e-Azam
نہ تھے مطلقاً اَولیا جس سے واقف
تجھے نعمتیں وہ ملیں غوثِ اعظم
Na the mutlaqan auliya jis se waqif
Tujhe ni'matein woh milin Ghous-e-Azam
تری ذات سے اے شریعت کے حامی
طریقت کی رَمزیں کھلیں غوثِ اعظم
Teri zaat se aye shariat ke haami
Tariqat ki ramzein khulin Ghous-e-Azam
شریعت طریقت کے ہر سلسلے میں
ہیں تیری ہی نہریں بہیں غوثِ اعظم
Shariat tariqat ke har silsile mein
Hain teri hi nahrein bahin Ghous-e-Azam
سلاسل کی سب منزلوں میں ہے پھیلی
تری روشنی بالیقیں غوثِ اعظم
Salasil ki sab manzilon mein hai phaili
Teri roshni baliyaqin Ghous-e-Azam
غم و رنج میں نام تیرا لیا جب
تو کلیاں دِلوں کی کھلیں غوثِ اعظم
Gham o ranj mein naam tera liya jab
To kaliyan dilon ki khulin Ghous-e-Azam
کرم گر کرو میرے مدفن میں آؤ
تو ہو قبر خلد بریں غوثِ اعظم
Karam gar karo mere madfan mein aao
To ho qabr khaleed bareen Ghous-e-Azam
الٰہی ترا کلمۂ پاک مجھ کو
سکھائیں دَم واپسیں غوثِ اعظم
Ilahi tera kalma-e-pak mujh ko
Sikhain dam wapasin Ghous-e-Azam
بسوئے جمیلؔ اَز نگاہِ عنایت
ببیں غوثِ اعظم ببیں غوثِ اعظم
Basuye Jamil az nigah-e-inayat
Bebin Ghous-e-Azam bebin Ghous-e-Azam
Share This Naat
Share with friends and family
تیرے جد کی ہے بارہویں غوثِ اعظم
جمیل الرحمن قادری