تیرے گلشن دے پھل بوٹے رہن ساوے دعا کرناں
گدی بھل کے خزاں نہ پیر وی پاوے دعا کرناں
Tere gulshan de phul bootay rehna saavay dua karnaan
Gaddi bhal ke khiza na pir vi paavay dua karnaan
تیرے درتوں اے سخیا خیر ملدی رے فقیراں نوں
نہ کوئی در اتوں خالی کدی جاوے دعا کرناں
Tere dartoon ae sakhya khair mildi re faqiran noon
Na koi dar atoon khaali kadi jaavay dua karnaan
میں تیرے غم وی جھولی پالواں گا ہس کے سجناں
چمن تیرے چہ خوشیاں دی ہوا آوے دعا کرناں
Main tere gham vi jholi paalawan ga has ke sajnaan
Chaman tere che khushiyan dee hawa aavay dua karnaan
فرشتے موت دے لکھ وار آون اون بسم اللہ
نزع ویلے میرا مرشد وی آجاوے دعا کرناں
Farishtay maut de lakh waar aawan oo Bismillah
Nazaa waylay mera murshad vi aajaavay dua karnaan
زباں میری چہ طاقت اے جدوں تیکر میرے مولا
تیرے محبوب دے سہرے سدا گاوے دعا کرناں
Zubaan meri che taqat ae jadon taker mere maula
Tere mehboob de sehray sada gaavay dua karnaan
مرن توں بعد وی مرشد میرے آتے رہوے راضی
کرم اپنا نیازی تے اوہ فرماوے دُعا کرناں
Maran to baad vi murshad mere aatay rahway raazi
Karam apna Niazi te oh farmaavay dua karnaan
Share This Naat
Share with friends and family
تیرے گلشن دے پھل بوٹے رہن ساوے دعا کرناں
عبدالستار نیازی