تیرا بندہ تری توصیف و ثنا کرتا ہے
میرا ہر سانس ترا شُکر ادا کرتا ہے
Tera banda teri tauseef o sana karta hai
Mera har saans tera shukr ada karta hai
تیرے آگے مری جُھکتی ہوئی پیشانی سے
میری ہر صُبح کا آغاز ہُوا کرتا ہے
Tere aage mari jhukti hui peshani se
Meri har subh ka aghaaz hua karta hai
رحمتیں دیتی ہیں آواز گُنہ گاروں کو
یہ کرشمہ بھی ترا عفو کِیا کرتا ہے
Rahmatein deti hain aawaaz gunahgaron ko
Ye karishma bhi tera afw kiya karta hai
رزق پہنچاتا ہے پتّھر میں چھُپے کیڑے کو
تُو ہی سُوکھی ہوئی شاخوں کو ہرا کرتا ہے
Rizq pahunchata hai patthar mein chhupe keere ko
Tu hi sookhi hui shaakhon ko hara karta hai
زِندگی پر کبھی اِتراؤں نہ مرنے سے ڈروں
تُو ہی پیدا بھی کرے تُو ہی فنا کرتا ہے
Zindagi par kabhi itrao na marne se darun
Tu hi paida bhi kare tu hi fana karta hai
تیرے الطاف کسی کے لیے مخصوص نہیں
تُو ہر اِک چاہنے والے کی سُنا کرتا ہے
Tere altaaf kisi ke liye makhsoos nahi
Tu har ek chahne wale ki suna karta hai
خیر مقدم کِیا کرتی ہیں اُسی کا راہیں
تیرے کہنے کے مطابق جو چلا کرتا ہے
Khair maqdam kiya karti hain usi ka rahein
Tere kehne ke mutabiq jo chala karta hai
ہر کوئی تو تِری جانب نہیں راغب ہوتا
تُو جسے چاہے یہ تو فیق عطا کرتا ہے
Har koi to teri janib nahi raaghib hota
Tu jise chahe ye tofeeq ata karta hai
گِیت گاتی ہیں بہاریں تِری خلّاقی کے
سینہء سنگ سے جب پھُول کِھلا کرتا ہے
Geet gaate hain baharein teri khallaqi ke
Seena-e-sang se jab phool khila karta hai
بڑا ناداں ہے تجھے دُور سمجھنے والا
تو رگِ جاں سے بھی نزدیک رہا کر تا ہے
Bara nadaan hai tujhe door samajhne wala
Tu rag-e-jaan se bhi nazdeek raha kar ta hai
Share This Naat
Share with friends and family
تیرا بندہ تری توصیف و ثنا کرتا ہے
مظفر وارثی