تسبیح شب و روز رہے نامِ خدا کی
صورت ہے یہی خوب تریں حمد و ثنا کی
Tasbeeh shab o roz rahe naam-e khuda ki
Soorat hai yehi khoob tarin hamd o sana ki
اللہ نے بخشی ہے اسے اپنی نیا بت
محبوب کچھ اس درجہ ہوا آدمِ خاکی
Allah ne bakhshi hai ise apni nayabat
Mahboob kuchh is darja hua aadam-e khaaki
ہر منظرِ ہستی میں سبھی رنگ ہیں اس کے
ہر عالمِ فانی میں وہی ذات ہے باقی
Har manzar-e hasti mein sabhi rang hain us ke
Har alam-e fani mein wohi zaat hai baaqi
انسان کا ٹوٹا ہوا دل اس کا ہے مسکن
اس تک ہے رسائی تو فقط حرفِ دعا کی
Insan ka toota hua dil us ka hai maskan
Us tak hai rasai to faqt harf-e dua ki
ذکر اس کا کھلاتا ہے سدا روح میں غنچے
محتاج مری طبع نہیں آب و ہوا کی
Zikar us ka khilata hai sada rooh mein ghunche
Mohtaaj meri tab' nahi aab o hawa ki
آئی نہ کمی اس کی عطاؤں میں کسی وقت
ہر چند کہ دانستہ بھی تائبؔ نے خطا کی
Aayi na kami us ki ataon mein kisi waqt
Har chand ke danista bhi Taib ne khata ki
Share This Naat
Share with friends and family
تسبیح شب و روز رہے نامِ خدا کی
حفیظ تائب