تصّور میں مرے جب چہرۂ خیرالانام آیا
جبیں خم ہوگئی لب پر دُرود آیا سلام آیا
Tasawwur mein mere jab chehra e kherul anam aaya
Jabeen kham hogayi lab par durood aaya salaam aaya
خدا نے آمنہ کی کوکھ سے ظاہر کیا آخر
وہ اک نورِ ازل جو فخرِ آبائے کرام آیا
Khuda ne Aamna ki kokh se zahir kiya aakhir
Woh ek noor e azal jo fakhr e aabaye karaam aaya
مناؤ اُس کی آمد پر خوشی ماہِ ولادت میں
کہ محبوبِ خدائے قادرِ یحیِ العِظام آیا
Manao uski aamad par khushi maah e wiladat mein
Ke mehboob e khudae qadir e yahi al izaam aaya
کھڑے تھے انبیا معراج کی شب خیر مقدم کو
امامت کے لیے جب وہ شہِ گردوں خرام آیا
Kharay thay anbya meraaj ki shab kher maqdam ko
Imaamat ke liye jab woh sheh e gardoon khiraam aaya
سفر کی دھوپ کی شدّت اگر بڑھنے لگی حد سے
تو اُس بے سایہ پر سایہ لُٹانے کو غَمام آیا
Safar ki dhoop ki shiddat agar barhne lagi had se
To us be saaya par saaya lutane ko ghamam aaya
نظر آیا خَجِل خورشید خاور اپنی کرنوں پر
عُروجِ حُسن پر جب ہاشمی ماہِ تمام آیا
Nazar aaya khajil khursheed khaawar apni kirnon par
Urooj e husn par jab Hashmi maah e tamaam aaya
سرِ کوثر نہ کیوں اِترائیں اُن کے چاہنے والے
یہ کیا کم ہے کہ اُن کے ہاتھ سے ہاتھوں میں جام آیا
Sar e kausar na kyun itraain unke chahne wale
Yeh kya kam hai ke unke haath se haathon mein jaam aaya
تمناؤں کی مُرجھائی ہوئی کلیاں مہک اُٹھّیں
برنگِ موجۂ خوشبو وہ شاہِ ذی مقام آیا
Tamanno ki murjhayi hui kaliyan mehak uthin
Barang e maujah e khushbu woh shah e zi maqam aaya
ہُوا محسوس جیسے مُلتَفِت خود ہوں شہِ بطحیٰ
مرے ہونٹوں پہ جس دم سیّدہ زھرا کا نام آیا
Hua mahsus jaise multafit khud hon sheh e Bat'haa
Mere honton pe jis dam Syeda Zahra ka naam aaya
امانت کا تَسلسُل کوئی دیکھے اِس گھرانے میں
حسینؓ ابنِ علی بعدِ حسنؓ بن کر امام آیا
Amaanat ka tasalsul koi dekhe is gharane mein
Hussain(ra) ibn e Ali baad e Hassan(ra) bankar imaam aaya
اب اِس کے بعد منزل کیا ہو میری خوش نصیبی کی
تِرا در چُوم کر لَوٹا، تری جالی کو تھام آیا
Ab is ke baad manzil kya ho meri khush nasibi ki
Tera dar choom kar lauta, teri jaali ko thaam aaya
تری آمد بھی کیا آمد ہے جس آمد کے صدقے میں
ہدایت کی کتاب اُتری، شریعت کا نظام آیا
Teri aamad bhi kya aamad hai jis aamad ke sadqe mein
Hidayat ki kitaab utri, shariat ka nizaam aaya
یہی وہ ہیں کہ ایماں بعدِ توحید اِن پہ لازم
یہی وہ ہیں پسِ اللہُ اکبر جن کا نام آیا
Yahi woh hain ke emaan baad e tauheed in pe laazim
Yahi woh hain pas e Allahu Akbar jin ka naam aaya
پلانے کا شرف اُن سے رہا مخصوص محشر میں
وہ جب تشریف لائے پھر کہیں گردش میں جام آیا
Pilane ka sharaf un se raha makhsoos mahshar mein
Woh jab tasreef laye phir kahin gardish mein jaam aaya
مزا جب ہو کہ بابِ خُلد پر جس دم نصیرؔ آئے
کہے رضوان! رستہ دو ، محمدؐ کا غلام آیا
Maza jab ho ke baab e khuld par jis dam Naseer aaye
Kahe Rizwan! rasta do, Muhammad (s.a.w.) ka ghulaam aaya
Share This Naat
Share with friends and family
تصّور میں مرے جب چہرۂ خیرالانام آیا
سید نصیرالدیں نصیر