کیوں اسے حشر میں اندیشہء رسوائی ہو
جس کو حاصل تری چوکھٹ کی جبیں سائی ہو
Kyun use hash'r mein andesha-e ruswai ho
Jis ko hasil teri chaukhat ki jabin sai ho
ہو فدا تجھ پہ ہر اک دل کشی و محبوبی
تجھ پہ قربان ہر اک خوبی و زیبائی ہو
Ho fida tujh pe har ik dil kashi o mah'bubi
Tujh pe qurban har ik khubi o zebai ho
درپئے جان ہو مکّہ تو مدینے میں تری
طَلَعَ البَدرُ عَلَینَا سے پذیرائی ہو
Darpaye jan ho Makkah to Madinay mein teri
Tala'a al-badru alayna se pazerai ho
تیری مرضی ہو اگر لوٹ کے سورج آئے
اک اشارے سے ترے چاند کی بن آئی ہو
Teri marzi ho agar laut ke suraj aaye
Ik ishare se tere chaand ki ban aai ho
رقص کرتے ہوئے دربار میں اشجار آئیں
سنگ ریزوں کو عطا قوتِ گویائی ہو
Raqs karte hue darbar mein ashar aayein
Sang rezon ko ata quwwat-e goyai ho
بختِ بیدار نہ کیوں اس کی قدم بوسی کرے
جس کو بستر پہ ترے چین سے نیند آئی ہو
Bakht-e bedar na kyun us ki qadam bosi kare
Jis ko bistar pe tere chain se neend aai ho
غار بھی مرکزِ انوار ہیں تیرے دم سے
میرے دل میں بھی ذرا سی چمن آرائی ہو
Ghaar bhi markaz-e anwar hain tere dam se
Mere dil mein bhi zara si chaman aarai ho
قلبِ محزوں میں ترے حرفِ تسلّی سے بھلا
کیسے ممکن ہے سکینت نہ اتر آئی ہو؟
Qalb-e mehzoon mein tere harf-e tassalli se bhala
Kaise mumkin hai sakeenat na utar aai ho?
نخلِ صحرا ہوں مجھے برگ و ثمر مل جائے
ابرِ بارانِ کرم کچھ تو مسیحائی ہو
Nakhl-e sahra hoon mujhe barg o samar mil jaye
Abr-e baran-e karam kuch to mesihaai ho
تیرا سکہ ہی رواں سلطنتِ دل میں رہے
اور معمورۂ جاں پر تری دارائی ہو
Tera sikka hi rawan saltanat-e dil mein rahe
Aur ma'amurah-e jaan par teri darai ho
پھر ملے پیرہنِ یوسفِؑ کنعاں کو وقار
پھر عطا دیدۂ یعقوبؑ کو بینائی ہو
Phir mile peirahan-e Yusuf-e Can'an ko waqar
Phir ata deedah-e Yaqoob ko beenai ho
بندہ پرور مجھے پھر اذنِ مدینہ دیجئے
پھر نگاہوں میں وہی جلوۂ خضرائی ہو
Banda parwar mujhe phir izin-e Madina dijiye
Phir nigahon mein wahi jalwa-e Khizraai ho
ان کی مدحت ہو مرے خشک لبوں پر شاکر
آخری وقت ہو جب جان پہ بن آئی ہو
Un ki mad'hat ho mere khushk labon par Shakir
Aakhri waqt ho jab jaan pe ban aai ho
Share This Naat
Share with friends and family
کیوں اسے حشر میں اندیشہء رسوائی ہو
سیّد شاکر القادری چِشتی نِظامی