تاریخ اپنے زعم میں اک چال چل گئی
لیکن جو شاخ ٹوٹ گئی ‘ پھول پھل گئی
:: Tarikh apne zaum me ek chaal chal gayi
lekin jo shaakh toot gayi ‘ phool phal gayi
قطرہ جو نہی گرا علی اصغر کے خون کا
قصرِ ابد کے طاق میں اک شمع جل گئی
qatra jo nahi gira Ali Asghar ke khoon ka
qasr-e-abad ke taaq me ek shammah jal gayi
جب تجھ سے مَس ہوئے شہہ تشنہ دہن کے لب
اے ارضِ کربلا ‘ تری قسمت بدل گئی
jab tujh se mas hueh shah-e-tishna dahan ke lab
ay arz-e-Karbala ‘ teri qismat badal gayi
صدیاں گواہ ہیں کہ جلالِ حسین میں
وہ آنچ تھی کہ ظلم کی برچھی پگھل گئی
sadiyan gawah hain ke jalal-e-Hussain me
woh aanch thi ke zulm ki barchhi pighal gayi
اُس کے سوا جہاں میں ہوئی ہے کسے نصیب
وہ موت جو حیات کے سانچے میں ڈھل گئی
us ke siwa jahan me hui hai kise naseeb
woh maut jo hayat ke sanche me dhal gayi
یہ راہِ حق میں صرف شہادت نہ تھی ندیمؔ
اک زندگی ‘ فنا سے بقا کو نکل گئی
yeh rah-e-haq me sirf shahadat na thi Nadeemؔ
ek zindagi ‘ fana se baqa ko nikal gayi
Share This Naat
Share with friends and family
تاریخ اپنے زعم میں اک چال چل گئی
احمد ندیم قاسمی