تن پہ احرام لپیٹا تو خُدا یاد آیا
اُٹھ گیا ذات سے پردہ تو خُدا یاد آیا
Tan pe ehraam lapeta to Khuda yaad aaya
Uth gaya zaat se parda to Khuda yaad aaya
رحمتیں اُس کی مرے چاروں طرف تھیں لیکن
اپنے اعمال کو دیکھا تو خُدا یاد آیا
Rehmatain us ki mere chaaron taraf thein lekin
Apne aamaal ko dekha to Khuda yaad aaya
یوں لگا چھُو لیا ہو ہاتھ خُدا کا جیسے
حجرِ اسود کو جو چُوما تو خُدا یاد آیا
Yun laga choo liya ho haath Khuda ka jaise
Hajr-e-Aswad ko jo chooma to Khuda yaad aaya
سامنے سے مِرے گُزرا مِرا سارا ماضی
کعبے کے گِرد مَیں گھُوما تو خُدا یاد آیا
Saamne se mere guzra mera saara maazi
Kaabe ke gird main ghooma to Khuda yaad aaya
ریگِ باطن پہ بہت ایڑیاں رگڑیں مَیں نے
پِیا زمزم کا پیالہ تو خُدا یاد آیا
Raig-e-baatin pe bohot eriyan ragrein main ne
Piya zamzam ka pyaala to Khuda yaad aaya
دونوں آنکھوں سے مِری ہوگئے چشمے جاری
صفا مروہ پہ بھی دوڑا تو خُدا یاد آیا
Dono aankhon se meri hogaye chashme jaari
Safa Marwah pe bhi daura to Khuda yaad aaya
صُورتِ حال تھی سب حشر کے میداں جیسی
ہُوا عرفات روانہ تو خُدا یاد آیا
Soorat-e-haal thi sab hashr ke maidaan jesi
Hua Arafat rawana to Khuda yaad aaya
Share This Naat
Share with friends and family
تن پہ احرام لپیٹا تو خُدا یاد آیا
مظفر وارثی