تجلیات کا سہرا سجا کے آئے ہیں
لوائے حمد محمدﷺ اٹھا کے آئے ہیں
Tajalliyat ka sehra saja ke aaye hain
Lawaaye Hamd Muhammad (ﷺ) utha ke aaye hain
بدلنے والا ہے ماحول اب قیامت کا
کہ اب غلام حبیبِ خدا کے آئے ہیں
Badalne wala hai mahol ab qayamat ka
ke ab ghulam Habib-e-Khuda ke aaye hain
مسافتیں تو دیوانی ہیں میری سرعت کی
وہ لامکاں کو یہ باتیں بتا کے آئے ہیں
Masafatein to deewani hain meri sur'at ki
wo la-makaan ko ye baatein bata ke aaye hain
ہوا ہے ذکرِ مدینہ مرے قریب کہیں
کہ جھونکے مجھ کو بھی ٹھنڈی ہوا کے آئے ہیں
Hua hai zikr-e-Madina mere qareeb kahin
ke jhonke mujh ko bhi thandi hawa ke aaye hain
جِناں میں جانے سے کوئی نہ اب ہمیں روکے
کہ ہم حضورؐ کو نعتیں سنا کے آئے ہیں
Jinan mein jane se koi na ab hamein roke
ke hum Huzoor (ﷺ) ko naatein suna ke aaye hain
فراقِ شہرِ مدینہ شدید ہے کتنا
یہ پوچھ ان سے جو طیبہ میں جا کے آئے ہیں
Firaq-e-shehr-e-Madina shadeed hai kitna
ye pooch un se jo Tayyiba mein ja ke aaye hain
محبتوں کی ردائیں لپیٹ کر دیکھو
وہ اپنے نور سے دنیا سجا کے آئے ہیں
Mohabbatoin ki radaaein lapait kar dekho
wo apne noor se duniya saja ke aaye hain
شکارِ پستئِ قلب و جگر تبسم کو
وہ اپنی نعت کے جملے بتا کے آئے ہیں
Shikar-e-pastai-e-qalb o jigar Tabsum ko
wo apni naat ke jumle bata ke aaye hain
Share This Naat
Share with friends and family
تجلیات کا سہرا سجا کے آئے ہیں
حافظ محمد ابوبکر تبسمؔ