سورج چن ستارے امبر، دھرتی چار چوفیرا
جہڑے پاسے جھاتی ماراں سارا ای چانن تیرا
Suraj chan stare ambr, dharti char chofira
jhere passe jhati maran sara ei chanan tera
ساریاں اچیاں اچیاں نالوں تیرا شان اچیرا
تیری رحمت باہج ظہوریؔ کوڈی مل نئیں میرا
sariyan achiyan achiyan nalon tera shan achira
teri rehmat bahaj Zahori (ؔ) kodi mil nein mera
ہوراں دے نے ہور سہارے مینوں سہارا تیرا
لوکی آکھن میری میری میں آکھاں میں تیرا
horan de ne hor sahare menon sahara tera
loki aakhan meri meri main aakhan main tera
تیرا تیرا آکھدیاں وی کم نئیں بندا میرا
بنے ظہوریؔ جے کر توں وی کہہ دیویں ایہہ میرا
tera tera aakhdiyan vi kam nein banda mera
bane Zahori (ؔ) je kar toon vi keh devein eih mera
آخر ویلے میریاں اکھیاں راہ تکناں ایں تیرا
تیرا کُجھ نئیں جاندا جیکر پا جاویں اک پھیرا
akhir vele meriyan akhiyan rah taknan eh tera
tera kujh nein janda je kar pa javein ak phera
جے توں سر تے آن کھلوویں پردہ رہ جائے میرا
سوکھا نکلے ساہ ظہوریؔ ویخ لواں مُکھ تیرا
je toon sar te aan khaloven parda reh jaye mera
sokha nakle sah Zahori (ؔ) veikh lwan mukh tera
Share This Naat
Share with friends and family
سورج چن ستارے امبر، دھرتی چار چوفیرا
محمد علی ظہوری