سنی آہٹ تری دیکھا حرم ہے
ترا نقشِ قدم میرا حرم ہے
Suni aahat teri dekha haram hai
Tera naqsh-e-qadam mera haram hai
مرے سجدوں کی ہو کیونکر رسائی
مرے سر سے بہت اونچا حرم ہے
Mere sajdon ki ho kyun kar rasai
Mere sar se bohot ooncha haram hai
ابھی تک ہے ترے اشکوں کی خوشبو
حرا تیری جوانی کا حرم ہے
Abhi tak hai tere ashkon ki khushbu
Hira teri jawani ka haram hai
چھپا رکھّا ہے سینے میں نبیؐ کو
زمیں کا سارا سرمایا حرم ہے
Chhupa rakha hai seene mein Nabi (SAW) ko
Zameen ka sara sarmaya haram hai
عمل کی جیب میں سکے ہیں کتنے
خریدارو بہت مہنگا حرم ہے
Amal ki jaib mein sikke hain kitne
Kharidaro bohot mehnga haram hai
خدا بھی میرے اندر مصطفےٰؐ بھی
حرم کے سامنے گویا حرم ہے
Khuda bhi mere andar Mustafa (SAW) bhi
Haram ke samne goya haram hai
ہوائیں ہاتھ ہیں آنکھیں اجالا
بدن ہے زندگی چہرہ حرم ہے
Hawain haath hain aankhen ujala
Badan hai zindagi chehra haram hai
خدا کا نور ہے جسمِ محمدؐ
خدا کے عرش کا سایا حرم ہے
Khuda ka noor hai jism-e-Muhammad (SAW)
Khuda ke arsh ka saya haram hai
وہ کوئے وقت کا پہلا مسافر
اسی کا مستقل حجرہ حرم ہے
Woh kooe waqt ka pehla musafir
Isi ka mustaqil hujra haram hai
ضروری ہے طواف اس کا ضروری
حرم ہے مرکزِ دنیا حرم ہے
Zaroori hai tawaaf is ka zaroori
Haram hai markaz-e-duniya haram hai
محمدؐ آ رہے ہیں جا رہے ہیں
مرا دل ہے مظفر یا حرم ہے
Muhammad (SAW) aa rahe hain ja rahe hain
Mera dil hai Muzaffar ya haram hai
Share This Naat
Share with friends and family
سنی آہٹ تری دیکھا حرم ہے
مظفر وارثی