والشمس والضحیٰ ہے اگر رُوئے مصطفیٰؐ
واللیل کا جمال ہے گیسوئے مصطفیٰؐ
Walshams walduha hai agar rooye Mustafaؐ
Wal-lail ka jamal hai gesuye Mustafaؐ
خواہش ہے ساری عمر یہی کیفیت رہے
دل سوئے مدینہ ہو، نظر سوئے مصطفیٰؐ
Khwahish hai sari umr yehi kefiyat rahe
Dil sooye Madina ho, nazar sooye Mustafaؐ
’’مازاغ‘‘ کی مثال ہیں آنکھیں حضورؐ کی
خوش کن ہلالِ عید سے َابروئے مصطفیٰؐ
"Ma zag" ki misaal hain aankhain Huzoorؐ ki
Khush kun hilal-e-eid se abrooye Mustafaؐ
عنبر بھی دنگ، مشک بھی ، کافور و عود بھی
بے مثل و بے مثال ہے خوشبوئے مصطفیٰؐ
Anbar bhi dang, mushk bhi, kafoor o oud bhi
Bemisl o be misaal hai khushbuuye Mustafaؐ
قیمت عقیدتوں کی کوئی کیا لگائے گا
سو لاکھ جہاں، لے کے نہ دُوں موئے مصطفیٰؐ
Qeemat aqidaton ki koi kya lagaaye ga
So lakh jahan, le ke na doon mooye Mustafaؐ
جنت ہے جائے امن و سکون و قرارِ دل
جنت ہے بلا شک و شبہ کوئے مصطفیٰؐ
Jannat hai jaaye amn o sukoon o qarar-e-dil
Jannat hai bila shak o shuba kooye Mustafaؐ
اشفاقؔ صرف اُنؐ کے سہارے کی آس ہے
گرتوں کو تھام لیتے ہیں بازُوئے مصطفیٰؐ
Ashfaqؔ sirf unؐ ke sahare ki aas hai
Girton ko thaam lete hain bazuoye Mustafaؐ
Share This Naat
Share with friends and family
والشمس والضحیٰ ہے اگر رُوئے مصطفیٰؐ
اشفاق احمد غوری